कम्पोनेन्ट्स शोमा मकासले सार्वजनिक ग-यो सवारी साधनमा लाग्ने फिल्टरका सबै रेन्ज

भारतमा जारी भारत मोबिलिटी ग्लोबल एक्सपो २०२५ अन्तर्गतको कम्पोनेन्ट्स शोमा मकासले सवारी साधनमा लाग्ने फिल्टरका सबै रेन्ज सार्वजनिक गरेको छ । आफ्टर मार्केट अटो पार्ट्स उत्पादनका लागि विशेष गरी क्लच लगायतका पार्ट्स उत्पादनका लागि लोकप्रिय कम्पनी मकास अटोमोटिभ अब फिल्टर उत्पादनमा समेत लाग्ने घोषणा गरेको हो ।

मकासले आयल फिल्टर र एयर फिल्टर लगायतका सबै रेन्ज उपलब्ध गराउने र यसको उत्पादन शुरु भएको मकास अटोमोटिभका डिजाइन हेड सञ्जिव प्रसादले नेपाल अटोलाई बताए ।

माइक्रो नानो पार्टिकलयुक्त एयर फिल्टर र ल्युव आयलयुक्त फिल्टर लगायतका प्रविधिले मकासको फिल्टरलाई विशेष सुविधायुक्त बनाउने उनले बताए ।

सबै प्रकारका हेभी कमर्सियल भेइकल सम्म मकासको क्लच र अन्य कम्पोनेन्ट प्रयोग हुन्छ । कम्पनीले १६० डाया देखि ४३० डाया सम्म सम्पूर्ण रेन्जका क्लच उत्पादन गर्छ । भारतको चार स्थानमा यसको कारखाना छ । थ्री ह्विलर देखि फोर ह्विलर सबै गाडीमा यसको प्रयोग हुन्छ ।

टाटा मोटर्स, आइसर, अशोक लेल्यान्ड आदि गाडीमा यसको प्रयोग हुन्छ । क्लच प्लेट, क्लच एसेम्बली, लिभर किट, प्रेसर प्लेट र क्लचसँग सम्बन्धित सबै कम्पोनेन्ट मकास अटोमोटिभले उत्पादन गर्छ ।