अध्ययन : ९० प्रतिशत चालक ईभीमै रमाए, १ प्रतिशत मात्रै कम्वसन गाडीमा फर्किन चाहन्छन्

बिद्युतिय सवारीसधनले अहिले सबैलाई आकर्षित गरिरहेको छ । नेपालको सन्दर्भमा भन्नुपर्दा कुल प्यासेन्जर कारको बिक्रीमा ईभीको हिस्सा ८० प्रतिशत हाराहारी पुगेको छ भने सार्बजनिक यातायातमा प्रयोग हुने माइक्रो वसमा समेत ईभीकै बर्चश्व छ ।

नेपालमा मात्रै नभई अहिले विश्वमै ईभी क्रेज बढ्दो छ । नयाँ प्रबिधी भएका कारण यसको भविष्य के होला भनेर शंका गर्नेहरु पनि उत्तिकै छन् । तर यसरी शंका गर्नेहरुका लागि हालै गरिएको एक ग्लोवल सर्बेक्षणले ईभीमा अभ्यस्त भैसकेकाहरु कुनैपनि हालतमा कम्वसन गाडीमा फर्कन नचाहने देखाएको छ ।

ग्लोबल ईभी एलायन्स स्टडीका अनुसार ९० प्रतिशत ईभी चालकले अर्को विद्युतीय सवारी किन्न योजना बनाएका छन् । जसमध्ये केवल १ प्रतिशतले मात्र परम्परागत पेट्रोल अर्थात कम्वसन गाडीमा फर्कन चाहेको बताए ।

ग्लोबल ईभी एलायन्स स्टडीले अमेरिका, क्यानडा, भारत, फ्रान्स, ब्राजिललगायत १८ विभिन्न देशका २३ हजार भन्दा बढी ईभी चालकबाट डाटा सङ्कलन गरेको बताइएको छ । उक्त अध्ययनका अनुसार अधिकांश ईभी चालकले कम्वसन कारमा फर्कनुको सट्टा ब्याट्रीबाट चल्ने सवारी साधनलाई नै निरन्तरता दिने बताए । सर्वेक्षण अनुसार, ९२ प्रतिशतले ईभीमै अडिन चाहेको बताए भने ४ प्रतिशतले प्लग–इन हाइब्रिड र केवल १ प्रतिशतले मात्र कम्वसन कारमा फर्किन चाहेको बताए ।

ईभीमै रमाउन चाहनेहरुले यी साधनको संचालन खर्च एकदमै कम हुने बताए । कम्वसनको तुलनमा ४५ प्रतिशत संचालन खर्च कम पर्ने, ४० प्रतिशतले बढी जलबायुमैत्री, ३२ प्रतिशतले बढी बातावरणमैत्री तथा २१ प्रतिशतले बढी राम्रो ड्राइभविलिटी र १८ प्रतिशत कम मर्मत लागत पर्ने उनीहरुको राय थियो ।