स्कोडा काइल्याकलाई १० दिनमा १० हजारभन्दा बढी बुकिङ, नेपाल आउँदा मुल्य कति ?

बुकिङ खोलेको १० दिनमा स्कोडाले काइल्याक कम्प्याक्ट एसयूभीका लागि १० हजारभन्दा बढी बुकिङ प्राप्त गरेको छ । सो नयाँ एसयुभीको डेलिभरी जनवरी २७ देखी गर्ने स्कोडाले जनाएको छ ।

एमक्यूबी ए०– आईएन प्लेटफर्ममा आधारित ब्रान्डको पहिलो कम्प्याक्ट एसयूभी काइल्याक कुशाक भन्दा केही सानो छ । सो नयाँ एसयुभी क्लासिक, सिग्नेचर, सिग्नेचर प्लस र प्रेस्टिज गरी कुल ४ भेरिएन्टमा उपलब्ध छ । भारतमा यसको सुरवाती मुल्य ७ लाख ८९ हजार भारु निर्धारण गरिएको छ ।

नयाँ एसयुभीमा वायरलेस एन्ड्रोइड अटो र एप्पल कारप्लेको साथ ८ इन्च डिजिटल इन्स्ट्रुमेन्ट क्लस्टर र १०.१ इन्च टचस्क्रिन इन्फोटेनमेन्ट प्रणाली राखिएको छ । सब–४ मिटर एसयूभीमा भेन्टिलेटेड फ्रन्ट सिट, इलेक्ट्रिकली एडजस्ट गर्न मिल्ने ड्राइभर सिट, वायरलेस फोन चार्जर, क्यान्टन साउन्ड सिस्टम र एम्बियन्ट लाइटिङ समेत पाउन सकिन्छ ।

काइल्याकमा स्कोडाको उहि परानो १.० लिटर टर्बो–पेट्रोल इन्जिन जडान गरिएको छ । जसले ११३ बिएचपी पावर र १७८ एनएम टर्क जेनेरेट गर्दछ । एसयुभी ६ स्पिड म्यानुअल र ६ स्पिड अटोमेटिक ट्रान्समिसनको विकल्पमा उपलब्ध हुनेछ ।

कुशाक भन्दा सस्तो मुल्यमा आएको काइल्याक अवको केही समयपछि नेपाली बजारमा समेत उपलब्ध हुनेछ । नेपाल आउँदा यसको सुरुवाती मुल्य ४० लाख हाराहारीबाट सुरु हुने अनुमान गर्न सकिन्छ ।