३ वर्षमा जिकरले उत्पादन गर्यो ४ लाख युनिट ईभी, नेपालमा एक्स मोडल लोकप्रिय बन्दै

चिनियाँ अटो निर्माता जिकरले ४ लाख युनिट ईभी उत्पादनको माइलस्टोन हाँसिल गरेको छ । जिली अन्तर्गतको प्रिमियम ईभी ब्रान्ड जिकले ३ वर्ष १ महिनामा उक्त उपलब्धी हाँसिल गरेको हो । सन् २०२१ को अक्टोवरदेखी कार उत्पादन थालेको जिकरसंग हाल ६ वटा मोडल उपलब्ध छ ।

जिकरको बिक्री पछिल्लो समय उच्च रफ्तारमा बृद्धि भैरहेको छ । कम्पनीले जनवरीदेखी नोभेम्वरसम्म अर्थात चालु वर्षको ११ महिनामा मात्रै १ लाख ९४ हजार ९३३ युनिट कार बिक्री गरेको छ । जुन अघिल्लो वर्षको सोहि अबधीको तुलनामा ८५ प्रतिशतले बढी रहेको कम्पनी भनाई छ ।

४ लाखौँ कारका रुपमा कम्पनीले मिक्स मिनि भ्यानलाई उत्पादन गरेको हो । क्याविन स्पेशलाई ९३ प्रतिशतसम्म प्रयोग गर्न सकिने दाबी गरिएको सो भ्यान विश्वको सबैभन्दा धेरै क्याविन स्पेश भएको ईभी भ्यान समेत हो । भ्यानमा स्लाइडिङ डोर प्रयोग गरिएको छ ।

जिकर म्याक्समा ७६ किलोवाट आवरको एलएफपी ब्याट्री र १०२ किलोवाट आवरको एनएमसी ब्याट्री प्रयोग गरिएको छ । जसले सिंगल चार्जमा ७०० किलोमिटरसम्म रेन्ज दिने दाबी गरिएको छ । मिक्स मिनी भ्यानलाई जिकरले बार्षिक १ लाख युनिटका दरले उत्पादन गर्ने योजना बनाएको छ ।

जिकर नेपाली बजारमा समेत उपलब्ध रहँदै आएको प्रिमियम ईभी ब्रान्ड हो । हालै लन्च गरिएको यसको एक्स मोडल नेपाली बजारमा लोकप्रिय बनिरहेको छ । जिकर एक्समा ६६ किलोवाट आवर क्षमताको ब्याट्री जडान गरिएको छ भने यसले सिंगल चार्जमा ४४० किलोमिटरसम्म रेन्ज दिने दाबी गरिएको छ । रियर ह्विल ड्राइभ सिंगल मोटर र अल ह्विल ड्राइभ डुअल मोटर भेरिएन्टमा उपलब्ध यसको मुल्य क्रमश: ८५ लाख र १ करोड ५५ लाख रुपैयाँ पर्छ ।