रोयल इन्फिल्डको एसेम्वल प्लान्ट अव थाइल्याण्डमा पनि

रोयल इन्फिल्डले थाइल्याण्डमा आफ्नो नयाँ सीकेडी एसेम्बली प्लान्ट विस्तार गरेको छ । यो ब्रान्डको भारत बाहिरको विश्व बजारमा पहिलो स्ट्यान्ड अलोन मोटरसाइकल एसेम्बली प्लान्ट भएको बताइएको छ ।

बैंककको समुत प्राकान प्रान्तमा अवस्थित सो नयाँ प्लान्ट ५७ हजार वर्ग फुटमा फैलिएको छ । प्लान्टबाट वार्षिक ३० हजार युनिट मोटरसाइकल एसेम्बल गर्न सकिने जनाइएको छ । सो प्लान्टबाट उत्पाददिन मोटरसाइकल सुरुवाती समयमा थाई बजारमा बिक्री गरिने र विस्तारै क्षेत्रका अन्य देशहरुमा पनि निर्यात गरिने कम्पनी भनाई छ ।

सो नयाँ प्लान्टमा रोयल इन्फिल्डको पहिलो डेडिकेटेड पावर ट्रेन समेत राखिनेछ । जसले एसिया प्यासिफिक क्षेत्रका डिलर र प्लान्टका कर्मचारीहरूका लागि प्रयोगात्मक प्रशिक्षण केन्द्रका रुपमा समेत काम गर्ने जनाइएको छ ।

रोयल इन्फिल्डले भारत बाहिर अर्जेन्टिना, कोलम्बिया, ब्राजिल, बंगलादेश र नेपालपछि छैटौं सीकेडी एसेम्बली प्लान्ट थाइल्यान्डमा स्थापना गरेको हो ।