महिन्द्रको नयाँ ईभी एक्सयुभी ७०० जस्तै देखिने, लिक भयो विवरण

महिन्द्राले हालै गरेको ट्रेडमार्क फाइलिङले एक्सयूभी ७०० को विद्युतीय संस्करणलाई एक्सईभी ७ई भन्न सकिने सुझाव दिएको छ ।

हालै लन्च भएको एक्सईभी ९ई को नन् कुपे संस्करणका रुपमा लन्च हुने तय भएको सो एसयूभी एक्सयूभी ७०० जस्तै हुनेछ । पछिल्लो समय लिक भएको तस्विर अनुसार यसको समग्र डिजाइन एक्सयूभी ७०० जस्तै देखिएको छ भने बडीशेल समेत दुरुस्तै देखिन्छ । अगाडिको भाग महिन्द्राको शुद्ध–इलेक्ट्रिक लाइन–अपबाट प्रेरित छ ।

सो नयाँ ईभीमा एल आकारको एलईडी डिआरएल, भर्टिकल हेडल्याम्प राखिएको छभने ग्रिललाई नयाँ लोगो सहितको खाली फासियाले प्रतिस्थापन गरिएको छ । पछाडिको छेउमा एल आकारको टेललाइटहरू र केन्द्रमा कालो ट्रिमको साथ अझ परिचित डिजाइन छ । एक्सईभी ७ ईले प्यानोरामिक सनरुफ, पावर्ड टेलगेट, ब्ल्याक एलोय ह्वील र ओआरभीएम समेत पाउनेछ ।

सो नयाँ ईभीको ईन्टेरियरमा एक्सईभी ९ ईमा जस्तै ट्रिपल स्क्रिन लेआउट र २–स्पोक स्टेयरिङ ह्वील हुनेछ । साथै यसको दोस्रो रोमा क्याप्टेन सिटसहित थ्री रो सिट हुनेछ ।