नयाँ डिजाइन र एड्भान्स फिचरले सुसज्जित नयाँ होन्डा अमेज लन्चिङ हुनु अगावै सार्वजनिक

होन्डाले डिसेम्बर ४ मा नयाँ अमेज एसयूभी लन्च गर्ने भएको छ । सो एसयूभीको केही तस्विर सामाजिक सञ्जालमा लिक भएको छ । जसमा यसको इन्टेरियर र एक्सटेरियरको बारेमा लिक भएको छ । नयाँ होन्डा अमेज नयाँ डिजाइन र एड्भान्स फिचरसहित लन्च गरिने भएको छ ।

नयाँ होन्डा अमेजमा होन्डा सिटी र एलिभेट जस्तै बोल्ड डिजाइन दिइएको छ। यसको फ्रन्ट ठुलो ग्रिलको दुबै छेउमा डीआरएल सहित स्लिकर एलईडी हेडल्याम्पले सुसज्जित छ । ग्रिलको माथि कनेक्टेड क्रोम स्ट्रिप र अपग्रेड गरिएको क्ल्यामशेल बोनेटलाई प्रिमियम टच दिइएको छ। साथै यसको पछाडि एलईडी टेलल्याम्प र नयाँ डिजाइन गरिएको बम्पर प्रदान गरिएको छ। यसमा शार्क फिन एन्टेना, रिभर्स क्यामेरा र नयाँ अलोय ह्विल पनि देखिएको छ । नयाँ अमेजको डिजाइन पुरानो भन्दा निकै फरक छ ।

नयाँ होन्डा अमेजमा नयाँ ड्यासबोर्ड, वायरलेस एन्ड्रोइड अटो र एप्पल कारप्ले सहितको ठुलो ८ इन्च फ्लोटिङ टचस्क्रिन इन्फोटेनमेन्ट सिस्टम र सेमी-डिजिटल इन्स्ट्रयुमेन्ट क्लस्टर दिइएको छ । यसको क्याबिनमा ड्युअल टोन कलर स्किम र नयाँ अपहोल्स्ट्री जस्ता प्रिमियम टच दिइएको छ । यसमा अटोमेटिक एयर कन्डिसन, रियर एसी भेन्ट र वायरलेस फोन चार्जर जस्ता फिचर उपलब्ध छ । यसको टप भेरिएन्टमा सिंगल-पेन सनरुफ प्रदान गरिएको छ।

सेफ्टीका लागि नयाँ होन्डा अमेजमा ६ एयरब्याग, एडभान्स ड्राइभर असिस्टेन्स सिस्टम, लेन-किपिङ असिस्ट, एडाप्टिभ क्रुज कन्ट्रोल र अटोनोमस इमरजेन्सी ब्रेकिङ जस्ता फिचर उपलब्ध गराइएको छ। साथै यसमा ईबीडी सहितको एबीएस, हिल-होल्ड असिस्ट र रिभर्स क्यामेरासहितको पार्किङ सेन्सर जस्ता सेफ्टी फिचर उपलब्ध गराइएको छ।

नयाँ होन्डा अमेजमा पुरानो १.२ लिटर पेट्रोल इन्जिनलाई कायम राखिएको छ । सो इन्जिनले ९० एचपी पावर र ११० एनएम टर्क जेनेरेट गर्छ। सो इन्जिन ५ स्पिड म्यानुअल गियरबक्समा ट्युनिङ गरिएको छ । नयाँ होन्डा अमेजको सीएनजी भेरिएन्ट पनि लन्च गर्न सकिनेछ ।

नयाँ अमेजको मूल्य हालको मोडल भन्दा बढी हुने अपेक्षा गरिएको छ। हालको मोडलको मूल्य ७ लाख ३ हजार देखि १० लाख भारु सम्म रहेको छ । नयाँ अमेजले भारतीय बजारमा मारुती डिजायर, हुन्डाई औरा र टाटा टिगोरसँग प्रतिस्पर्धा गर्नेछ ।