तीन कारणले महत्वपूर्ण छ नयाँ किनेको बाइकको पहिलो सर्भिसिङ, यसकारण समयमै गर्नु आवश्यक

बाइक लामो समयसम्म कुनै समस्या विना चलाउनका लागि यसलाई समयमै सर्भिस गर्नु धेरै महत्त्वपूर्ण छ । विशेष गरी जब नयाँ बाइक किनिन्छ । नयाँ बाइक किन्दा पहिलो सर्भिसिङ धेरै महत्त्वपूर्ण हुन्छ । नयाँ बाइकलाई समयमै सर्भिस गरिएन भने इन्जिनमा नकारात्मक असर पर्छ ।

बाइकको पहिलो सर्भिस कम्पनीले तोकेको समय र किलोमिटर भित्र गर्नुपर्छ । नयाँ बाइक किन्दा कम्पनीले बाइकको साथमा एउटा बुकलेट पनि दिएको हुन्छ, जसमा नयाँ बाइकको पहिलो सर्भिस कति किलोमिटरमा गर्नुपर्छ भन्ने जानकारी दिइएको हुन्छ। धेरै कम्पनीले नयाँ बाइकको पहिलो सर्भिस ७५० र कतिपयले १००० किलोमिटर पछि गराउन सल्लाह दिएका हुन्छन् ।

यदि तोकिएको किलोमिटरमा वा समयमा नयाँ बाइक सर्भिस गराउन सकेन भने यसले इन्जिनमा नकारात्मक असर पार्न सक्छ। बाइकको इन्जिन समेत बिग्रन सक्छ । वास्तवमा, इन्जिनमा मेटलका साना साना कण हुन्छ, जुन बाइक चलाउँदा घिसिएर इन्जिनको तेलमा मिसिन्छ । त्यसैले समयमै बाइक सर्भिस गरिएन भने इन्जिन बिग्रन सक्छ ।

नयाँ बाइकको पहिलो सर्भिसमा बाइकको इन्जिन आयल परिवर्तन गरिन्छ,, जसका कारण यसमा पाइने साना धातुका कण बाहिर निस्कन्छ । त्यसैगरी समयमै सर्भिस नहुँदा इन्जिन, भल्भ र पिस्टनमा प्रतिकूल असर पर्ने गरेको छ । जसका कारण पिस्टन पनि बिग्रन सक्छ र इन्जिन बिग्रने सम्भावना अझै बढ्छ ।

साथै कम्पनीले तोकेको किलोमिटरमा नयाँ बाइकको पहिलो सर्भिस गरिएन भने यस्तो अवस्थामा बाइकको कुनै पार्टमा क्षति पुगेमा कम्पनीले उक्त पार्टको वारेन्टी रद्द गर्न पनि सक्छ ।

यी सबैका कारण नयाँ किनेको बाइकको पहिलो सर्भिसिङ धेरै महत्वपूर्ण हुन्छ ।