स्कोडा र फक्सवागनले आफ्ना कारमा नयाँ ८ स्पिड गियरबक्स उपलब्ध गराउने, ड्राइभिङ र माइलेजमा सुधार हुने

स्कोडा र फक्सवागनले बजारमा धेरै उत्कृष्ट कार र एसयूभी बिक्री गरिरहेका छन् । मिडिया रिपोर्टका अनुसार दुबै कम्पनीले प्रस्ताव गरेका कार र एसयूभीमा चाँडै नै नयाँ गियरबक्स उपलब्ध गराइनेछ। दुई कम्पनीले ८ स्पिड गियरबक्स (एक्यु३००) भएका कार उपलब्ध गराउने योजना बनाएका छन् ।

हाल स्कोडा र फक्सवागन दुवैले आफ्ना कार र एसयूभीमा ६ स्पिड एटी गियरबक्स प्रदान गर्छन्। तर अब सो गियरबक्सको सट्टामा नयाँ ८ स्पिड टर्क कन्भर्टर गियरबक्स दिइनेछ, जसमा १.५ लिटर क्षमताको इन्जिन ल्याइनेछ ।

स्कोडा र फक्सवागनले आफ्ना कार र एसयूभीमा नयाँ गियरबक्सको स्थापना पछि आफ्नो सेगमेन्टमा सबैभन्दा बढी टर्क भएका कारको सूचीमा समावेश हुनेछ । हाल १.५ लिटर इन्जिनसँग प्रदान गरिएको ६ स्पिड एटी गियरबक्सले २५० एनएमको टर्क प्रदान गर्छ। तर नयाँ गियरबक्सको स्थापना पछि यसले ३०० एनएमको टर्क प्रदान गर्नेछ ।

नयाँ गियरबक्सका कारण गाडीको इन्जिनमा कम लोड हुनेछ, जसले कम कार्बन डाइअक्साइड उत्पन्न गर्नेछ तथा गाडीको माइलेज पनि बढ्नेछ । साथै नयाँ गियरबक्सका कारण गाडीको पावर पनि बढ्नेछ । यद्यपि यसले गाडीको मूल्यमा भने बढोत्तरी हुने सम्भावना छ, तर कम्पनीले गाडीको मूल्य कम गर्नका लागि नयाँ गियरबक्स स्थानीय रूपमा उत्पादन गर्न सक्दो प्रयास गर्नेछ ।

हालसम्म नयाँ गियरबक्स कहिले आउने हो त्यसको कुनै जानकारी दिइएको छैन तर स्कोडा र फक्सवागनले २०२५ देखि २०२६ सम्ममा सबै कारमा नयाँ ८ स्पिड गियरबक्स अपडेट गर्न सक्ने अपेक्षा गरिएको छ ।