परीक्षणका क्रममा पहिलोपटक देखियो रोयल इन्फिल्डको इलेक्ट्रिक मोटरसाइकल

रोयल इन्फिल्डको इलेक्ट्रिक मोटरसाइकल पहिलोपटक सडकमा देखापरेको छ । नोभेम्बर ४ मा एक्मा एक्सपोमा सार्बजनिक हुने तय भएको सो नयाँ मोटरसाइकल सडक परिक्षणका क्रममा स्पेनको वार्सिलोनामा देखिएको हो ।

सार्बजनिक भएको मोडललाई अवलोकन गर्दा यो आधुनिक ईभी भए पनि यसले ब्रान्डको क्लासिक लुक्सलाई कायम गरेको प्रष्ट देखिन्छ ।

इलेक्ट्रिक बाइकको समग्र डिजाइन इलेक्ट्रिको–१ अवधारणामा आधारित छ । टियरड्रप आकारको इन्धन ट्याङ्कीको डिजाइन र रेट्रो हेडल्याम्पलाई ओभर गरिएको छ । यो बाइकमा सन् १९४० को फ्लाइङ फ्लीजस्तै गर्डर फोर्क र रियर फेन्डर पनि लगाइएको छ । अन्य फिचरमा क्रोम सहितकोे गोलाकार मिरर, राउन्ड टर्न इन्डिकेटरहरू, गोलाकार टेल ल्याम्प, एकल सिट र डिजिटल इन्स्ट्रुमेन्ट कन्सोल समावेश छन् ।

रोयल इन्फिल्डको आगामी ई–बाइकको प्राविधिक विशेषताहरू अझै स्पष्ट भैसकेको भने छैन । यद्यपी ब्याट्री र इलेक्ट्रिक मोटर बाइकको फ्रेम भित्र प्याकेज गरिएको देखिन्छ । बाइकमा मोनो–शक रियर सस्पेन्सन र यसमा एलोय ह्वील उपलब्ध गराइएको छ ।