औपचारिक लन्च पहिले बजाजको नयाँ बाइक एन१२५ को झलक सार्वजनिक

बजाज अटोले चाँडै नै आफ्नो नयाँ बाइक पल्सर एन१२५ लन्च गर्न लागेको छ । सामाजिक सञ्जालमा यस बाइकको झलक देखाउँदै कम्पनीले यसको फिचर र स्पेसिफिकेशनहरू सार्वजनिक गरेको छ । बजाज पल्सर एन१२५ एलईडी डिस्क र एलईडी डिस्क बीटी गरी दुई भेरिएन्टमा उपलब्ध हुनेछ ।

बजाज पल्सर एन१२५ मा १२४.५९ सीसी एयर कुल्ड, सिंगल सिलिन्डर इन्जिन हुनेछ, जसले ८५०० आरपीएममा १२ बीएचपीको पावर जेनेरेट गर्छ । यसमा ५ स्पिड गियरबक्स रहेको छ ।

बाइकको अगाडि २४० एमएम डिस्क ब्रेक र पछाडि ड्रम ब्रेक छ । यसको सस्पेन्सनको कुरा गर्दा अगाडि टेलिस्कोपिक फोर्क र रियरमा मोनोसक सस्पेन्सन हुनेछ ।

पल्सर एन१२५ मा एलईडी हेडलाइट र टेललाइट जडान गरिएको छ । साथै, यसमा एलसीडी इन्स्ट्रयुमेन्ट कन्सोल पनि छ जसले स्पिडोमिटर, ओडोमिटर, ट्रिप मिटर, फ्युल गेज र घडी जस्ता जानकारी देखाउँछ । यसको एलईडी डिस्क बीटी भेरिएन्टमा ब्लुटुथ कनेक्टिभीटीको सुविधा पनि छ, जसले कल र एसएमएस अलर्ट प्रदान गर्छ ।

बजाज पल्सर एन१२५ को मूल्य लगभग १ लाख भारु हुन सक्छ । सो बाइकले टीभीएस राइडर १२५, हिरो एक्ट्रिम १२५आर र होन्डा एसपी १२५ सँग प्रतिस्पर्धा गर्नेछ ।