एड्भेन्चर मोटरसाइकल जोनसेन क्यारेरामा फेस्टिभ अफर, यस्तो छ छुट र अन्य सुविधा

एड्भेन्चर टुरिङ रुचाउने राइडरहरुका लागि लक्ष्यित गरी नेपाली बजारमा हालै भित्रिएको नयाँ बाइक जोनसेन क्यारेरा किन्दा कम्पनीले अफर उपलब्ध गराएको छ ।

फेस्टिभ अफरको रुपमा उपलब्ध गराएको यो बाइक किन्दा शुरुमै ५ हजार रुपैयाँ छुट उपलब्ध हुन्छ भने स्क्र्याच कार्डमार्फत १० हजार रुपैयाँ सम्म थप छुट हुने जनाइएको छ । यो बाइकको मूल्य ५ लाख ६० हजार ५ सय रुपैयाँ छ ।

यो बाइकमा कम्पनीले २ वर्ष वा ३० हजार किलोमिटर गुड्दा सम्म वारेन्टी उपलब्ध गराएको छ ।

२२० सीसी इन्जिनयुक्त यो बाइकमा एड्भेन्चर मोटरसाइकलमा हुनु पर्ने विभिन्न विशेषता रहेका छन् । यसमा डिजिटल मिटर, फुल एलईडी लाइट, २०० एमएमको ग्राउन्ड क्लियरेन्स र फराकिला टायर आदि उल्लेखनिय विशेषता हुन् ।

नेपाली बजारमा ज्योति ग्रुप अन्तर्गतको स्यामुकापु ट्रेडिङले यो मोटरसाइकल बिक्री वितरण गरिरहेको छ । नेपालभर रहेका शोरुमबाट यो बाइक खरिद गर्न सकिन्छ । पुरानो कुनै पनि ब्रान्डको मोटरसाइकल वा स्कुटरसँग साट्नका लागि अन द स्पट फाइनान्स र एक्सचेन्जको समेत सुविधा रहेको छ ।

नेपाली बजारमा जोनसेन नयाँ ब्रान्ड हो । सन् १९९६ देखी मोटरसाइकल उत्पादन गर्दै आएको जोनसेन चीनको उत्कृष्ट ५०० इन्टरप्राइजेज तथा ३० अटोमोबाइल कम्पनीमा सामेल रहेको जनाइएको छ । जोनसेनले विश्वका ८० भन्दा बढी राष्टमा वार्षिक ३ लाख बढी मोटरसाइकल निर्यात गर्दै आएको छ । इलेक्ट्रिक टु–ह्विलर समेत बिक्री गर्नेे जोनसेनले ७० लाखभन्दा बढी कम्पोनेन्ट उत्पादन गर्दै आएको छ ।