नयाँ एसयूभी काइल्याक चाँडै लन्च गर्ने तयारीमा स्कोडा, फर्स्ट लुक सार्वजनिक

स्कोडाले चाँडै नै नयाँ एसयूभी भारतीय बजारमा ल्याउने तयारी गरिरहेको छ । कम्पनीले ६ नोभेम्बर २०२४ मा नयाँ एसयूभी काइल्याक लन्च गर्ने भएको छ । कम्पनीले यसलाई कम्प्याक्ट एसयूभी सेग्मेन्टमा ल्याउने छ । सो गाडी कम्पनीले पूर्ण रूपमा भारतमा निर्माण गरेको छ र एमक्युबी-एओ-आईएन प्लेटफर्ममा निर्माण हुने तेस्रो गाडी हुनेछ। यसको फर्स्ट लुक क्यामोफ्ल्यागमा सार्वजनिक भएको छ ।

अन्य कार जस्तै स्कोडाले काइल्याक एसयूभीमा पनि एक लिटर इन्जिन प्रयोग गर्नेछ । एक लिटर इन्जिनमा टर्बोसहित ३ वटा सिलिन्डर ल्याइएको छ । साथै यसमा ६ स्पिड म्यानुअल र अटोमेटिक ट्रान्समिसन दिइनेछ । जसका कारण यसले १७८ एनएम टर्कको साथ ११४ बीएचपी पावर जेनेरेट गर्नेछ ।

स्कोडा काइल्याक एसयूभीमा कम्पनीले धेरै उत्कृष्ट फिचर प्रदान गर्नेछ । एलईडी लाइटका साथै यसमा शार्क फिन एन्टेना, हाई माउन्टेड स्टप ल्याम्प, रूफ रेल, नयाँ डिजाइनसहितको टेलगेट, २५ भन्दा बढी सक्रिय र निष्क्रिय फिचर, स्ट्यान्डर्डका रूपमा ६ वटा एयरब्याग, एबीएस, ईबीडी, हिल असिस्ट, ट्राक्सन कन्ट्रोल, आइएसओफिक्स चाइल्डल, एन्कोरेज, ८ देखि १० इन्चको इन्फोटेनमेन्ट सिस्टम जस्ता जस्ता फिचर समावेश गरिएको छ ।

स्कोडा काइल्याकको लम्बाई ३९९५ एमएम र ह्विलबेस २५६६ एमएम हुनेछ। साथै यसको ग्राउन्ड क्लियरेन्स लगभग १९० एमएम हुनेछ ।

कम्पनीले कम्प्याक्ट एसयूभी सेगमेन्टमा स्कोडा काइल्याक लन्च गर्नेछ । यसले मारुती ब्रेजा, हुन्डाई भेन्यु, किया सोनेट, महिन्द्रा एक्सयूभी ३एक्सओ, टाटा नेक्सन जस्ता एसयूभीसँग सीधा प्रतिस्पर्धा गर्नेछ ।