परीक्षणको क्रममा देखिएको महिन्द्रा एक्सयूभी ७०० ईभी चाँडै लन्च हुने सम्भावना

महिन्द्राले आफ्नो नयाँ इलेक्ट्रिक एसयूभी महिन्द्रा एक्सयूभी ७०० ईभीको परीक्षण गरिरहेको छ । सो एसयूभी परीक्षणको क्रममा देखिएको छ, जसका कारण सो इलेक्ट्रिक एसयूभी कम्पनीले चाँडै नै भारतीय बजारमा ल्याउने अपेक्षा गरिएको छ ।

परीक्षणको क्रममा देखिएको महिन्द्राको नयाँ इलेक्ट्रिक एसयूभीको केही फिचरको बारेमा जानकारी सार्वजनिक भएको छ। रिपोर्टका अनुसार यसमा नयाँ फ्रन्ट र नयाँ डिजाइन गरिएको लाइट पनि दिइएको छ । ईभीको साइड प्रोफाइल आईसीई संस्करण जस्तै हुनेछ । यसको डिजाइन हालको एसयूभी भन्दा धेरै राम्रो हुनेछ।

यसको इन्टेरियरमा ३ वटा स्क्रिन दिन सकिन्छ जुन सम्पूर्ण ड्यासबोर्डमा हुनेछ। यसको साथै यो लेभल २ भन्दा माथि एडीएएस सिस्टमलाई समर्थन गर्न सक्षम हुने गरी डिजाइन गरिएको छ।

महिन्द्राले यसमा ८० किलोवाट क्षमताको ब्याट्री दिन सक्छ, जसका कारण एसयूभीले एक पटक चार्जमा ५०० किलोमिटरसम्मको रेन्ज दिन सक्छ । रिपोर्टका अनुसार यसमा ड्युअल मोटर एडब्ल्युडी सिस्टम दिइएको छ । फास्ट चार्जरबाट यसलाई ३० मिनेटमा १० देखि ८० प्रतिशतसम्म चार्ज गर्न सकिन्छ।

हाल महिन्द्राले यसको परीक्षण गरिरहेको छ । एसयूभी सार्वजनिक गर्ने बारे कम्पनीले कुनै आधिकारिक जानकारी दिएको छैन । तर सन् २०२५ को जनवरीमा हुने भारत मोबिलिटीमा यसलाई प्रस्तुत गर्न सकिने अपेक्षा गरिएको छ ।