नाडा अटो शोमा अब एमजी साइबरस्टर हेर्न नपाइने, भयो सोल्ड आउट

काठमाडौं – नाडा अटो शो २०२४ मा प्रदर्शन गरिएको एमजी साइबरस्टर सोल्ड आउट भएको छ । दुई युनिट मात्र उपलब्ध भएको उक्त स्पोर्ट्स कार सोल्ड आउट भएसँगै अटो शोबाट समेत हटाइएको छ ।

कुनै ग्राहकको निजी प्रयोजनमा उपलब्ध हुने भएसँगै असहजता भएकाले अटो शोमा उक्त गाडी नराखिएको हो । यद्यपि एमजीको शोरुममा सो गाडी राखिएको छ र चासो राख्नेहरुले त्यहाँ पुगेर हेर्न सकिने बताइएको छ ।

एमजी साइबरस्टरको मूल्य १ करोड ६८ लाख रुपैयाँ तोकिएको थियो ।

साइबरस्टर एक सानो अल इलेक्ट्रिक कार हो । सिजर डोरका साथ उपलब्ध हुने एमजी रोडस्टर एग्रेसिभ र सार्प देखिन्छ । यो विश्वप्रसिद्ध स्पोर्ट्स कारमा २३१ किलोवाटको मोटर छ ।

कारमा ७७ किलोवाट आवर क्षमताको लिथियम आयोन ब्याट्री दिएको छ । उक्त ब्याट्रीलाई सिंगल चार्जमा ५०८ किलोमिटर गुडाउन सकिन्छ । यो एमजीको कन्भर्टिबल स्पोर्टस् कार हो ।