रोयल इन्फिल्ड गुरिल्ला ४५० अब स्पोर्ट्स बाइक भर्सनमा आउने

रोयल इन्फिल्डले भारतीय बजारमा गुरिल्ला ४५० लन्च गरिसकेको छ । सो बाइक ३०० सीसी देखि ५०० सीसी सेगमेन्टमा उपलब्ध छ । अब कम्पनीले सो बाइकको स्पोर्ट्स बाइक पनि लन्च गर्ने तयारी गरिरहेको छ, जसले भारतलगायत विश्व बजारमा पनि धेरै बाइकसँग प्रतिस्पर्धा गर्ने देखिएको छ ।

मिडिया रिपोर्टका अनुसार रोयल इन्फिल्डले ४५० सीसी प्लेटफर्ममा आधारित पाँच वटा मोटरसाइकल लन्च गर्ने तयारी गरिरहेको छ । यी ५ मध्ये दुई वटा मोटरसाइकल हिमालयन ४५० र हालै लन्च गरिएको गुरिल्ला ४५० बाइक हुन् । तेस्रो मोटरसाइकल शेर्पा ४५० प्लेटफर्ममा आधारित रोयल इन्फिल्डको सबैभन्दा स्पोर्टी बाइक हुने सम्भावना छ। यो एक सेमी-फेयर स्पोर्ट्स बाइक हुनेछ ।

गुरिल्ला ४५० को स्पोर्ट्स बाइक रेट्रो क्याफे रेसरको रूपमा प्रस्तुत गर्ने सम्भावना छ । यसको मूल्य गुरिल्ला ४५० भन्दा बढी हुन सक्छ । सो बाइक गुरिल्ला ४५० मा आधारित स्पोर्ट्स बाइक कन्टिनेन्टल जीटी-आर ४५० नाममा आउने अपेक्षा गरिएको छ । साथै यसमा कन्टिनेन्टल जीटी ६५० को डिजाइन पनि देख्न सकिनेछ ।

रोयल इन्फिल्ड गुरिल्ला ४५० को स्पोर्ट्स बाइकको सिट माथि हुन सक्छ । यसमा राउन्ड एलईडी हेडलाइट, आरएसयू टेलिस्कोपिक फ्रन्ट फोर्कको सट्टा यूएसडी टेलिस्कोपिक फ्रन्ट फोर्क, बार-एन्ड मिरर, नयाँ अलोय ह्विल, रियरमा १६० सेक्शनको पाङ्‍ग्रा, ट्रिपर ड्यास गुगल म्याप र म्युजिक कन्ट्रोल जस्ता फिचरले सुसज्जित हुन सक्ने सम्भावना छ ।