परीक्षणको क्रममा देखियो २०२५ केटीएम ३९० एड्भेन्चर बाइक

भारतीय सडकमा २०२५ केटीएम ३९० एड्भेन्चर बाइक परीक्षणको क्रममा देखिएको छ, जसमा बाइकका धेरै विशेषताहरु देखिएका छन् ।

परीक्षणको क्रममा २०२५ केटीएम ३९० एड्भेन्चर बाइक पहिलेको भन्दा बढी प्रभावशाली देखिएको छ । यसमा लामो विन्डस्क्रिन र विन्डस्क्रिनको दुबै छेउमा हेडल्याम्प जडान गरिएको छ । यसको हेडल्याम्पमा एलईडी प्रदान गरिएको छ । अगाडिबाट यसको डिजाइन नयाँ ३९० एडभेन्चरसँग मिल्दोजुल्दो देखिन्छ ।

केटीएम ३९० एडभेन्चरमा ३९९ सीसी, लिक्विड कुल्ड इन्जिन हुनेछ । सो इन्जिनले ४५.३ बीएचपीको पावर र ३९ एनएमको टर्क जेनेरेट गर्छ । सो बाइक फरक ट्युनिङ र गियरिङका साथ आउने सम्भावना छ । यसमा स्विङआर्म, सस्पेन्सन र स्पेक ह्विल जस्ता अन्य हार्डवेयर पार्ट्स नयाँ देख्न सकिन्छ।

केटीएम ३९० एड्भेन्चर २१ इन्चको फ्रन्ट ह्विलको साथ लन्च गर्न सकिन्छ। भारतमा यस बाइकको परीक्षण भइरहेको छ । कम्पनीले सो बाइकको लन्चिङको घोषणा चाँडै गर्ने अपेक्षा गरिएको छ ।