‘बोर्डरलेस वारेन्टि कार्यक्रम’ ल्याउने पहिलो भारितय ब्रान्ड बन्यो रोयल इन्फिल्ड

रोयल इन्फिल्डले आफ्नो मोटरसाइकलमा विश्वव्यापी वारेन्टी प्रदान गर्ने भएको छ । कम्पनीले पहिलो पटक भारतीय ब्रान्डमा ‘बोर्डरलेस वारेन्टी कार्यक्रम’ लन्च गरेको घोषणा गरेको हो ।

सो कार्यक्रमले राइडरलाई सबै देशहरूमा वारेन्टी लाभहरू प्राप्त गर्न सक्षम बनाउँने बताइएको छ । नयाँ कार्यक्रम हाल वारेन्टी अन्तर्गत रहेका सबै मोटरसाइकल र विश्वभरका अधिकृत डिलरहरूबाट खरिद गरिएका सबै नयाँ मोटरसाइकलमा लागू हुनेछ ।

रोयल इन्फिल्डका चिफ कमर्सियल अफिसर यादविन्दर सिंह गुलेरियाले भने, ‘रोयल इन्फिल्डमा, हामी अन्वेषण र साहसिक कार्यको लागि जोश सेयर गर्ने राइडरहरूको एक जीवन्त विश्वव्यापी समुदायलाई प्रवर्द्धन गर्न समर्पित छौं । रोयल एनफिल्ड बोर्डरलेस वारेन्टी कार्यक्रमको सुरुवातसँगै, हामी विश्वभरका राइडरलाई समर्थन र आश्वासनको अभूतपूर्व स्तरहरू प्रदान गरेर ग्राहक अनुभवलाई पुनः परिभाषित गर्न चाहन्छौ ।’

रोयल इन्फिल्डसंग हाल ७० भन्दा बढी देशका २ हजार ६०५ शहरमा ३ हजार भन्दा बढी नेटवर्क रहेको छ । नेपालमा कम्पनीले सुबिधासम्पन्न प्लान्ट स्थापना गरी बिभिन्न मोडलका मोटरसाइकल एसेम्वल गर्दै आएको छ ।