चेरीको यो हाइब्रिड एसयूभीले बनायो विश्व रेकर्ड

चेरीको प्लग–इन–हाइब्रिड एसयूभी फुलविन टी१० ले सबैभन्दा लामो यात्रा गरेर विश्व रेकर्ड कायम गरेको छ । फुलविन टी१० ले फुल ट्याङ्क तेल र फुल चार्जमा २ हजार १०० किलोमिटर यात्रा गरेर नयाँ रेकर्ड कायम गरेको हो । जुन कम्पनीले दावी गरेभन्दा ३०० किलोमिटर बढी हो ।

फुलविन टी१० आगमी जुलाई २५ मा लन्च हुने तयारीमा छ । ५ र ६ सिटर अप्सनमा आउने सो एसयुभी टु–ह्विल र फोर–ह्विल ड्राइभमा उपलब्ध हुनेछ । एसयुभीमा १.५ टी इन्जिन जडान गरिएको छ, जसको पावर ४५५ किलोवाट तथा टर्क ९६० एनएम छ ।

साथै यसमा ३४.४६ किलोवाट आवरको ब्याट्री प्याक राखिएको छ । जसको इलेक्ट्रिक रेन्ज २१० किलोमिटर दावी गरिएको छ । कारलाई २४० किलोमिटर प्रतिघन्टाको उच्चतम गतिमा हाँक्न सकिन्छ ।

चेरी फुलविन टी१० मा २४.६ इन्च लामो कर्भ स्क्रिन, ५० इन्चको एआर–हेडअप डिस्प्ले र इन्टेलिजेन्ट ड्राइभिङ एसिस्टेन्स सिस्टम लगायत उपलब्ध छ ।