माइलेज बढाउन मारुती सुजुकी अल्टोको तौल १०० किलो घटाइदै

मारुती सुजुकीले आफ्नो सबैभन्दा सानो र सस्तो ह्याचब्याक अल्टोलाई थप प्रभावकारी बनाउन ठुलो परिवर्तन गर्न लागेको छ । अल्टोको दशौं पुस्ताको मोडलको तौल १०० केजी घटाइने कम्पनीले जनाएको छ । दशौं पुस्ताको मारुती अल्टो कार सन् २०२७ सम्ममा बजारमा आउने सम्भावना छ ।

हाल बजारमा उपलब्ध जेनरेशनको तौल ६८० किलो छ । सो कारको १०० किलो तौल घटाउँदा ५७८ किलो हुनेछ । अब आउने दशौं पुस्ताको मारुती अल्टो कार एसएस८० मारुती ८०० भन्दा पनि हल्का हुनेछ । यसले गर्दा सो कारको माइलेज पनि बढ्नेछ ।

अल्टोको तौल घटाउने सबैभन्दा ठुलो उद्देश्य यसलाई सानो र प्रभावकारी मोडलमा प्रस्तुत गर्नु हो, जसको झलक नयाँ स्विफ्टमा जेड१२ इन्जिनमा देख्न सकिन्छ । सो इन्जिन नयाँ डिजायर, वागन आर, बलेनो र फ्रङ्क्स जस्ता कारमा पनि पाइनेछ ।

कारलाई हल्का बनाउँदा सानो इलेक्ट्रिक र हाइब्रिड मोडलमा ठुलो ब्याट्री प्याक फिट गर्न सजिलो हुन्छ । यसमा ठुला ट्याङ्की भएका सीएनजी मोडलले पनि फाइदा लिने अपेक्षा गरिएको छ ।