रोयल इन्फिल्डले लन्च ग-यो गुरिल्ला ४५० को लागि नयाँ एसेसरिज

स्पेनमा लन्च भएदेखि रोयल इन्फिल्ड गुरिल्ला ४५० ले विश्वभरका मोटरसाइकल प्रेमीहरूको मन जितेको छ । अब रोयल इन्फिल्डले सो बाइकका लागि एसेसरिज पनि ल्याएको छ, जसको मूल्य पनि सार्वजनिक गरिएको छ ।

रोयल इन्फिल्ड गुरिल्ला ४५० को मूल्य २ लाख ३९ हजार भारुबाट सुरु हुन्छ र टप मोडलको मूल्य २ लाख ५४ हजार भारुसम्म छ । यी एसेसरिजले रोयल इन्फिल्ड गुरिल्ला ४५० लाई अझ विशेष बनाएको छ । सो एसेसरिजले गुरिल्ला ४५० लाई आफ्नो हिसाबले कस्टमाइज पनि गर्न सकिन्छ । रोयल इन्फिल्डले फंक्शनल र प्रोटेक्टिभ एसेसरिजका साथै स्टाइलिस एसेसरिज ल्याएको छ, जसले बाइकको कार्यक्षमता बढाएको छ ।

प्रोटेक्टिभ एसेसरिजमा १ हजार ९५० मूल्यमा सिल्भर रेडिएटर गार्ड, १ हजार ९५० मूल्यमा हेडलाइट ग्रिल, ३ हजार ४५० मूल्यमा कालो र सिल्भर सम्प गार्ड, १ हजार १०० मा कालो र नेभी वाटर रेजिस्टेन्स बाइक कभर, ३ हजार ७५० को कालो कम्प्याक्ट इन्जिन गार्ड र ४ हजार ७५० मा कालो कम्प्याक्ट इन्जिन गार्ड उपलब्ध छ ।

स्टाइलिस एसेसरिजमा ६ सय ५० मूल्यमा बार एन्ड मिरर माउन्ट,  १  हजार ५० मूल्यमा कालो वा सिल्भर आयल फिलर क्याप, २ हजार ६५० मूल्यमा टिन्टेड फ्लाई स्क्रिन, २ हजार ७५० मूल्यमा ह्यालिकन कालो पेन्टेड इन्स्ट्रयुमेन्ट काउल, ४ हजार ९५० मूल्यमा कालो बेन्च सिट र कालो अर्बन सिट उपलब्ध छ ।

गुरिल्ला ४५० मा रोयल इन्फिल्डको नयाँ शेर्पा ४५० इन्जिन जडान गरिएको छ । सो ४५२ सीसी, सिंगल सिलिन्डर, डीओएचसी, ४ भल्भ, लिक्विड कुल्ड युनिटले ४० बीएचपी पावर र ४० एनएम टर्क जेनेरेट गर्छ । यसमा ६ स्पिड गियरबक्स, राइड-बाई-वायर, स्लिपर क्लच, एलईडी लाइटिङ, ट्रिपर ड्यास गुगल म्याप नेभिगेसन सिस्टम र बाक्लो टायर समावेश छ ।