नाडा अटो शोमा बीवाईडीले ७ सिटर एमपीभी ‘एम६’ ल्याउने

काठमाडौं– बीवाइडीको नयाँ कार एम६ नेपाल आउने भएको छ । आगामी भदौ ११ गतेदेखी शुरु हुने नाडा अटो शोमा सो ७ सिटर मल्टि प्रपोज भेइकल(एमपीभी) सार्बजनिक हुने आधिकारिक वितरक साइमेक्स इंक स्रोतले जनाएको छ ।

चीनमा यसअघि लेफ्ट ह्यान्ड ड्राइभमा मात्र उपलब्ध रहँदै आएको यो कारलाई बीवाईडीले हालसालै राइट ह्यान्ड ड्राइभ सिस्टममा समेत ल्याएपछि नेपाल आउने बाटो खुला भएको हो । बीवाइडीले यसलाई सङ म्याक्स हाईब्रिडमा आधारित भएर उत्पादन गर्दै आएको छ । यो कार ४.७ मिटर लामो, १.८१ मिटर चौडा र १.८८ मिटर अग्लो छ । साथै यसको ह्विलवेश २.७८ मिटर छ ।

एम६ मा ७१.७ किलोवाट आवरको ब्लेड ब्याट्री जडान गरिएको छ । ब्याट्रीलाई एकपटक फुल चार्ज गर्दा ५२२ किलोमिटर रेन्ज पाइने कम्पनी दावी छ । चीनमा ४ वटा भेरिएन्टमा उपलब्ध एम६ को कुन भेरिएन्ट नेपाल आँउछ भन्ने विषयमा हालसम्म टुंगो भने लागिसकेको छैन ।