भारतमा छैन इलेक्ट्रिक सवारीप्रति आकर्षण

बजारमा पेट्रोल, डिजेल, सीएनजी प्रविधिका सवारी साधनका साथै विद्युतीय कार पनि कार बिक्री भइरहेको छ । यी सवारीसाधनको माग कुनै बढेको छ र कुनै घटेको छ । जुन २०२४ मा कुन कम्पनीले कति वटा इलेक्ट्रिक कार बिक्री गर्‍यो भने रिपोर्ट सार्वजनिक भइसकेको छ ।

रिपोर्ट अनुसार, जुन २०२४ मा भारतमा कुल ६ हजार ८९४ युनिट इलेक्ट्रिक कार र एसयूभी बिक्री भएको छ। सो महिना सवारीसाधन वार्षिकको आधारमा १३ दशमलव ५१ प्रतिशतले घटेको छ तर मासिकका आधारमा ९.७४ प्रतिशतले घटेको छ । अघिल्लो वर्षको तुलनामा यो वर्षको जुन महिनामा ७ सय ४४ युनिट कम बिक्री भएको छ ।

जुन २०२४ मा टाटा मोटर्सले सबैभन्दा धेरै विद्युतीय कार बेचेको थियो । गत महिना कम्पनीले कुल ४ हजार ३ सय ४६ युनिट बिक्री गरेको थियो । वार्षिक आधारमा कम्पनीले २०.७७ प्रतिशतले वृद्धि हासिल गरेको छ । हाल बजारमा टाटा मोटर्सका टियागो, पन्च, नेक्सन, टिगोर जस्ता इलेक्ट्रिक कार उपलब्ध छ । त्यस्तै एमजीले गत महिना कुल १ हजार ४०५ युनिट विद्युतीय सवारीसाधन बिक्री गरेको थियो । कम्पनीले वार्षिक आधारमा २१ प्रतिशतभन्दा बढीको वृद्धि हासिल गरेको छ ।

महिन्द्राको इलेक्ट्रिक एसयूभी एक्सयूभी४०० जुन २०२४ मा ४ सय ४६ युनिट बिक्री गरेको थियो । जबकि गत वर्षको जुन महिनामा यस एसयूभीका ४ सय १३ युनिट बिक्री भएको थियो । सोही महिना सिट्रोनको इलेक्ट्रिक कार २ सय ३६ युनिट बिक्री गरेको छ । यसअघि जुन २०२३ मा यस कारको ३ सय ३६ युनिट बिक्री भएको थियो। चिनियाँ इलेक्ट्रिक कार कम्पनी बीवाईडीले पनि २०२४ को जुन महिनामा भारतीय बजारमा २ सय २९ विद्युतीय कार बिक्री गरेको रिपोर्ट सार्वजनिक भएको छ ।

नेपाली बजारमा विद्युतीय कारको माग निकै नै बढिरहेको समयमा भारतमा भने त्यस्तो धेरै आकर्षण देखिएको छ । भारतीय बजार नै ठूलो छ । यस अनुसार यो संख्या निकै नै कम हो ।