क्यानडाले पनि चिनियाँ इलेक्ट्रिक गाडीमा कर लगाउने तयारी गर्दै

क्यानेडियन प्रधानमन्त्री जस्टिन ट्रुडोको सरकारले चिनियाँ विद्युतीय सवारी साधनमा नयाँ कर लगाउने तयारी गरिरहेको छ । यद्यपि सरकार कसरी अघि बढ्ने भन्ने निर्णय गर्न सकेको छैन । तर क्यानडामा चिनियाँ विद्युतीय सवारी साधनको निर्यातमा ट्यारिफको बारेमा सार्वजनिक परामर्श सुरु गर्न छिट्टै घोषणा हुने सम्भावना छ।

अमेरिकी राष्ट्रपति जो बाइडेनको प्रशासनको नेतृत्वलाई पछ्याउन ट्रुडोलाई स्वदेश र विदेशमा बढ्दो दबाब छ। जसले मे महिनामा चिनियाँ निर्मित विद्युतीय सवारी साधनमा करिब चार गुणा बढाएर १०२.५ प्रतिशतमा पुर्‍याउने योजना घोषणा गरेको थियो । यूरोपीय सङ्घले गत हप्ता  चिनियाँ ईभीमा ट्यारिफ बढाउने योजना बनाएको छ, जसमा केही सवारी साधनमा ४८ प्रतिशतसम्म शुल्क लगाइएको छ।

पश्चिमी लोकतन्त्र चीनको प्रमुख वस्तुको अत्यधिक उत्पादनको बारेमा चिन्तित छन्। उनीहरूले यसलाई आपूर्ति शृङ्खलामा हाबी हुने र आफ्नै उद्योगलाई कमजोर बनाउने प्रयासको रूपमा हेर्छन्। किनकि चिनियाँ इलेक्ट्रिक कार बीवाईडी आक्रामक रूपमा विश्वव्यापी बजारमा प्रवेश गर्दै छ। त्यसैले उनीहरूको प्रमुख लक्ष्य ब्याट्रीबाट चल्ने सवारी साधन बनेका छन् ।

यसअघि बिहीबार ओन्टारियोका प्रिमियर डग फोर्डले चीनले सस्तो ईभी बनाउन कम श्रम मापदण्ड र  डर्टी इनर्जीको फाइदा उठाएको आरोप लगाएका थिए। उनले ट्रुडोको सरकारलाई कम्तीमा जो बाइडेनको ट्यारिफ मिलाउन आह्वान गरे।

मिडिया रिपोर्टका अनुसार क्यानडाले आयात गरेको चिनियाँ विद्युतीय सवारी साधनको मूल्य गत वर्ष २.२ बिलियन क्यानेडियन डलर पुगेको छ। जुन २०२२ मा १० करोड क्यानेडियन डलर मात्र थियो। भ्यानकुभरको बन्दरगाहमा चीनबाट आउने कारको सङ्ख्या पाँच गुणा बढी छ । टेस्ला इंकले पनि त्यहाँ आफ्नो शाङ्घाई कारखानाबाट मोडल वाई गाडी पठाउन थालेको छ । यद्यपि, क्यानडा सरकारको मुख्य चिन्ता टेस्ला होइन। बरु चिनियाँ अटोमेकरले बनाएका सस्तो कार हो ।

सार्वजनिक रूपमा ट्रुडो र उनका क्याबिनेट मन्त्रीहरूले भनेका छन् कि उनीहरूले अन्य देशले के गरिरहेका छन् हेरिरहेका छन्। तर उनले नयाँ कर लगाउने प्रतिबद्धता जनाएका छैनन् । गत हप्ता इटालीमा भएको जी-७ नेताहरूको शिखर सम्मेलनमा चिनियाँ उत्पादनका बारेमा आफूसँग महत्त्वपूर्ण वार्ता भएको प्रधानमन्त्रीले बताए।