फुल चार्जमा १८७ किलोमिटर रेन्ज दिने इलेक्ट्रिक बाइक लन्च

इलेक्ट्रिक टु-व्हिलर स्टार्ट-अप ओबेन इलेक्ट्रिकले हालै आफ्नो रोर इलेक्ट्रिक बाइक लन्च गरेको छ । कम्पनीले यसको मूल्य १ लाख १० हजार भारु राखेको छ ।

ओबेन रोरमा ८ किलोवाटको इलेक्ट्रिक मोटर जडान गरिएको छ, जसले एक पटक चार्जमा १८७ किलोमिटरको रेन्ज प्रदान गर्छ । सो इलेक्ट्रिक मोटरसाइकलको टप स्पिड १०० किलोमिटर प्रति घण्टा छ । यसले मात्र ३ सेकेन्डमा ० देखि ४० किलोमिटर प्रति घण्टाको गति हासिल गर्न सक्छ । यसको ब्याट्री फूल चार्ज हुनको लागि मात्र २ घण्टाको समय लाग्छ ।

सो बाइकमा इको, सिटी र हक गरी तीन राइडिङ मोड उपलब्ध छ । यसको इको मोडमा लामो दुरी तय गर्न सकिन्छ, सिटी मोडमा नियमित कामको लागि उपयोग गर्न सकिन्छ र हक मोडमा सबैभन्दा बढी पावर प्राप्त गर्न सकिन्छ ।

बाइकको बिक्री बढाउन ओबेन इलेक्ट्रिकले आफ्नो ओबेन रोर इलेक्ट्रिक बाइकमा विशेष डिल अफर गरिरहेको छ। कम्पनीले दिल्लीमा पहिलो १०० ग्राहकहरूलाई ४० हजार भारु छुट उपलब्ध गराएको छ । कम्पनीले यस वर्षको अन्त्यसम्ममा भारतका १२ सहरमा ५० शोरुम र सेवा केन्द्र खोल्ने लक्ष्य राख्दै थप विस्तार योजनामा काम गरिरहेको छ।