जीप मेरिडियनको फेसलिफ्ट भर्सन आउँदै, भारतमा परिक्षण सुरु

जीपले भारतमा मेरिडियनको फेसलिफ्ट लन्च गर्ने तयारी थालेको छ । यसै वर्षको अन्त्यतिर लन्च हुने अनुमान गरिएको सो कारको अहिले परिक्षण भइरहेको छ । नेपाली बजारमा समेत उपलब्ध रहँदै आएको मेरिडियन फेसलिफ्ट भसर्ननमा आएपछि यहाँको बजारमा समेत उपलब्ध हुनेछ ।

सो फेसलिफ्ट भर्सनमा संशोधित हेडल्याम्पका साथै अगाडि र पछाडिको वम्परमा सानो निप र टक राखिएको छ । इन्टेरियर हालको मोडेल जस्तै हुने यसमा नयाँ सिट अपहोल्स्ट्री पाउन सकिने अनुमान गरिएको छ । कारमा लेबल–२ एडास, अगाडि र पछाडि ड्यास क्याम र एयर प्युरिफायर जस्ता फिचरहरु थप हुनेछ ।

हालकै २.०–लिटर डिजेल इन्जिन जडान भएर आउने यसको पावर १६८ बीएचपी र टर्क ३५० एनएम हुनेछ । यो एसयुभी ६ स्पीड म्यानुअल र ९ स्पीड अटोमेटिक ट्रान्समिसनको बिकल्पमा उपलब्ध हुनेछ । भविष्यमा यो पेट्रोल इन्जिनको विकल्प पनि पाउने सम्भावना छ ।