यूनिक टु ह्विल्सले नेपाल ल्यायो भारतको लोकप्रिय बाइक एसेसोरिज

काठमाडौं– भारतको प्रख्यात टु ह्विलर एसेसोरिज मोटो जिनियस नेपाल आएको छ । यो ब्राण्ड अन्तर्गत दुई पाङ्ग्रे सवारसाधनको मोडिफिकेसनमा प्रयोग हुने विभिन्न प्रकारका एसेसोरिज र गियर उपलब्ध छन् । नेपालका लागी आधिकारिक वितरकका रुपमा यूनिक टु ह्विल्स मोडिफिकेसनले मोटो जिनियसलाई नेपाल ल्याएको हो ।

यूनिक टु ह्विलसका अनुसार सन् २०१९ मा स्थापना भएको मोटो जिनियस अटोमोटिभले उच्च गुणस्तरिय एसेसोरिज उत्पादन गर्दै आएको छ । कम्पनीले उत्पादन गर्ने एसेसोरिजको माग भारतमा निकै राम्रो भएको र विगत केही समययता नेपाली बजारमा समेत लोकप्रिय वनिरहेको छ।

मोटो जिनियस ब्राण्डको एसेसोरिजमा कम्पनीले १ वर्षको वारेन्टि उपलब्ध गराउँदै आएको छ । गुणस्तर राम्रो भएका कारण ग्राहकले निर्धक्क भएर यो ब्राण्डको एसेसोरिज र गियर प्रयोग गर्न सकिने कम्पनीले बताएको छ ।