ओमोडाको आयातकर्ता एसपीजीले प्राप्त ग-यो ‘आउटस्ट्यान्डिङ सेल्स’ र ‘ईभी पायोनियर’ अवार्ड

काठमाडौँ – नेपालमा ओमोडा र जेइको अटोमोबाइल्सको आधिकारिक वितरक एसपीजी अटोमोबाइल्सले ‘२०२४ ओमोडा र जेइको डिलर्स फोरम’ मा दुइवटा महत्वपूर्ण अवार्ड हासिल गरेको छ ।

कम्पनीले फोरममा बहुप्रतिष्ठित ‘आउटस्ट्यान्डिङ सेल्स कन्ट्रिब्युसन’ र ‘ईभी पायोनियर अवार्ड’ दुवै प्राप्त गर्दै नेपालको इलेक्ट्रिक गाडी अर्थात ईभी बजारमा आफ्नो स्थानलाई उत्कृष्ट प्रमाणित गरेको बताएको छ ।

एसपीजी अटोमोबाइल्स शारडा ग्रुप अन्तर्गत पर्छ । शारडा ग्रुपका निर्देशक गौरव शारडाले सो उपलब्धि नेपाली ग्राहकहरूको असिम साथ सहयोगद्वारा सम्भव भएको बताए । उनले भने, ‘हामीले ल्याउने अत्याधुनिक ईभीमा विश्वास गर्नुहुने सम्पूर्ण ग्राहकहरूप्रति हामी आभारी छौँ । हामी हाम्रो दिगो भविष्यका लागि सकारात्मक परिवर्तन ल्याउन अघि बढ्दैछौँ । हाम्रो सम्पूर्ण टिम, नेटवर्क पार्टनरहरू र नेपालभरका हाम्रा प्रत्येक ग्राहकहरूसँग यो उपलब्धिको खुसी साट्न पाउँदा हामी अत्यन्तै गौरव महसुस गर्दछौँ ।’

नेपाली सडक र जीवनशैलीका लागि उपयुक्त ओमोडा ई५ गत फेब्रुअरीमा लन्च गरिएको थियो । कम्पनीले डेलिभरी सुरु भएदेखि छोटो अवधिमा नै देशव्यापी ग्राहकहरूलाई फ्युचरिस्टिक ओमोडा ई५ को को १५१ भन्दा बढी युनिटहरू हस्तान्तरण गरिसकेको बताएको छ ।

त्यसै अवसरमा गत अप्रिलमा ओमोडा ई५ का नयाँ ग्राहकहरू तथा अटोमोबाइल्स, प्रविधि र ईभी क्षेत्रका विशिष्ट अतिथिहरूको उपस्थितिमा 151 +OMODA on the Streets समारोह पनि आयोजना गरेको थियो । ओमोडा ई५ गाडीले अत्याधुनिक विद्युतीय प्रविधि, स्टाइलिस डिजाइन र आधुनिक सुविधाहरूका साथ नेपाली उपभोक्ताहरूको ध्यानाकर्षण र समर्थन प्राप्त गरेको छ र ईभी साधनका लागि प्रमुख रोजाइको रूपमा बस्न सफल भएको कम्पनीको भनाइ छ ।