जिपको फेसलिफ्ट मोडल -याङलर लन्च, महिन्द्रा फाइभ डोर थारसँग प्रतिस्पर्धा गर्ने

जिप इन्डियाले भारतमा आफ्नो लोकप्रिय अफ–रोडर एसयूभी जिप ¥याङलरको फेसलिफ्ट संस्करण लन्च गरेको छ । कम्पनीले गत वर्ष विश्व बजारमा ¥याङलरको फेसलिफ्ट मोडल लन्च गरिसकेको छ । अब कार एडीएएस जस्ता एड्भान्स सेफ्टी फिचरले सुसज्जित छ ।

जिप ¥याङलर २ भेरिएन्ट अनलिमिटेड र रुबिकनमा उपलब्ध छ । यसको मूल्य ६२ लाख ६५ हजार र टप मोडलको मूल्य ६६ लाख ६५ हजार भारु रहेको छ । हालको मोडलको तुलनामा यो कार अहिले ५ लाख भारु महँगो भएको छ ।

कम्पनीका अनुसार नयाँ ¥याङलर लन्च हुनुअघि १०० भन्दा बढी युनिटको बुकिङ प्राप्त गरिसकेको छ । भारतमा नयाँ ¥याङलरले ल्यान्डरोभर डिफेन्डर, नयाँ फाइभ डोर थार र फाइभ डोर गोर्खासँग प्रतिस्पर्धा गर्नेछ ।

जिप ¥याङलर फेसलिफ्ट मोडेलको फ्रन्टमा अल ब्ल्याक आउट ७ स्लेट रेडिएटर ग्रिल समावेश गरेको छ । कार सफ्ट–टप र हार्ड–टप विकल्पमा उपलब्ध छ । साइडमा नयाँ १७ र १८ इन्चको अलोय ह्विल प्रदान गरिएको छ । यसको रियर डिजाइनमा कुनै परिवर्तन गरिएको छैन ।

सो एसयूभीको ड्यासबोर्डको इन्टेरियर डिजाइन परिवर्तन गरिएको छ । यसको सेन्टरमा वायरलेस एन्ड्रोइड अटो र एपल कारप्ले सहितको १२.३ इन्चको टचस्क्रिन सबै भेरिएन्टमा प्रदान गरिएको छ । यसमा ६२ प्रसिद्ध ट्रेल अफ–रोड गाइड पनि छ ।

यसको एसी भेन्ट पनि पुनः डिजाइन गरिएको छ । यसका साथै कारमा वायरलेस फोन चार्जिङ, इन्स्ट्रयुमेन्ट क्लस्टरमा ७ इन्चको कलर डिस्प्ले, अल्पाइन सास्र्ड अडियो सिस्टम, १२–वे पावर एडजस्टेबल फ्रन्ट सिट र अटोमेटिक क्लाइमेट कन्ट्रोल सहितको ड्युअल जोन एसी जस्ता फिचर समावेश छ ।

भारतमा लन्च गरिएको जिप ¥याङलर २.० लिटर टर्बो–पेट्रोल इन्जिनले सुसज्जित छ । जसले ७० एचपीको पावर र ४०० एनएमको टर्क जेनेरेट गर्छ । ट्रान्समिसनका लागि इन्जिन ८ स्पिड टर्क कन्भर्टर अटोमेटिक गियरबक्स र जिपको सेलेक–ट्रयाक फुल–टाइम फोर डब्ल्युडी सिस्टम स्ट्यान्डर्ड रुपमा दिइएको छ ।

सेफ्टीका लागि कारमा छ एयरब्याग, इलेक्ट्रोनिक स्टेबिलिटी कन्ट्रोल, हिल स्टार्ट असिस्ट, इलेक्ट्रोनिक रोल मिटिगेसन, अटोमेटिक हेडल्याम्प, रियर सेन्सर र क्यामेरा समावेश छ ।