स्कोडाले एमक्युबी एओ प्लेटफर्ममा आधारित अर्को कम्प्याक्ट एसयूभी ल्याउने

स्कोडा अटोको कुशाक र स्लाभियाको सफलता पछि अब नयाँ एसयूभी ल्याउने योजना बनाएको छ । रिपोर्टका अनुसार स्कोडा अटोले फेब्रुअरी २७, २०२४ मा आफ्नो आगामी कारको बारेमा थप विवरणहरू सार्वजनिक गर्नेछ । कम्पनीको सो कम्प्याक्ट एसयूभी फाबियापछि पहिलो सब–४ मिटर मोडल हुनेछ ।

सो कम्प्याक्ट एसयूभी स्कोडा कुशाकको सानो समकक्ष हुने अपेक्षा गरिएको छ । सो कार एमक्युबी–एओ (इन) प्लेटफर्ममा पनि बनाइनेछ । हाल स्कोडा अटोको मुख्यतया तीनवटा कार बिक्रीका लागि उपलब्ध छन् । जसमा स्लाभिया सेडान, कुशाक मिड साइज एसयूभी र कोडियाक फुल साइज एसयूभी समावेश छ ।

रिपोर्टका अनुसार सो कम्प्याक्ट साइजको एसयूभीमा १.० लिटर टीएसआई इन्जिन र १.५ लिटर टीएसआई इन्जिन उपलब्ध गराइने बताइएको छ । यसले ११० बीएचपीको पावर जेनेरेट गर्न सक्षम हुनेछ ।

स्कोडाले आफ्नो नयाँ एसयूभी २०२५ मा लन्च गर्ने अपेक्षा गरिएको छ । सो कम्प्याक्ट एसयूभीले बजारमा सुजुकी ब्रेजा, किया सोनेट, हुन्डाई भेन्यु, टाटा नेक्सन र महिन्द्रा एक्सयूभी ३०० जस्ता कारसँग प्रतिस्पर्धा गर्नेछ ।