महिन्द्रा बन्यो भारतमा सबैभन्दा धेरै बिक्रि हुने इलेक्ट्रिक थ्री ह्विलर ब्रान्ड

महिन्द्रा एण्ड महिन्द्राको सहायक कम्पनी महिन्द्रा लास्ट माइल मोबिलिटी लिमिटेडले आर्थिक वर्ष २०२४ मा भारतमा १.४ लाखभन्दा बढी इलेक्ट्रिक थ्री–व्हीलर बिक्री गरेको छ । उक्त परिणाम बिक्री गरेसंगै महिन्द्रा भारतमा सबैभन्दा बढी बिक्री हुने इलेक्ट्रिक थ्री–व्हीलर ब्रान्ड बनेको हो ।

महिन्द्राले ८ महिना भन्दा कम समयमा ४० हजार ईभी बिक्री गरेको छ । जसले भारतमा इलेक्ट्रिक थ्री ह्विलर सेग्मेन्टमा ९.३ प्रतिशतको बजार हिस्सा हासिल गरेको जनाइएको छ ।

महिन्द्राले हाल ट्रिओ, ट्रिओ प्लस, ट्रिओ जोर, ट्रिओ यारी, जोर ग्राण्ड, ई–अल्फा सुपर र ई–अल्फा कार्गो लगायत ईभी बिक्री गर्दै आएको छ । यी ईभीको माग बढेसंगै कम्पनीले बैंगलोर, हरिद्वार र जहीराबादमा अवस्थित प्लान्टबा उत्पादन समेत तीन गुणाले बृद्धि गरेको छ ।

महिन्द्राका इलेक्ट्रिक थ्री ह्विलर नेपाली बजारमा समेत उपलब्ध रहँदै आएको छ । अग्नी ग्रुप अन्तर्गतको अग्नी इनर्जीले बिक्री गर्दै आएको यी थ्री ह्विलरले नेपाली बजारमा भने खासै राम्रो बजार लिन सकेको छैन ।