जिप कम्पास पनि इलेक्ट्रिक भर्सनमा आउने

जिपले आफ्नो सर्बाधिक सफल मोडल कम्पासलाई इलेक्ट्रिक भर्सनमा ल्याउने भएको छ । जिपको प्यारेन्ट कम्पनी स्टेलेन्टिसले हालै कम्पासको नयाँ जेनेरेसन ल्याउने बताएको हो । उक्त ईभी २०२६ मै बजारमा आउनेछ ।

जिपले भारतसहित विश्व बजारमा ल्याउने गरी कम्पासको नयाँ जेनेरेसन तयार गरिरहेको र सोही जेनेरेसन विद्युृतीय भर्सनमा पनि ल्याउने बताएको हो । भारतसहित अन्य बजारलाई लक्षित गरेर कम्पास ईभी ल्याउन लागेको कम्पनीको भनाई छ ।

कम्पास ईभीमा ९८ किलोवाट आवरको ब्याट्री प्याक हुनेछ । यो ब्याट्री प्याकसहित कम्पास ईभी बजारमा आएमा यसले एक पटकको फुल चार्जमा ५ सय किलोमिरट रेन्ज दिनेछ ।

कम्पास ईभी टू ह्वील तथा फोर ह्वील ड्राइभ अप्सनमा आउनेछ । चार्जिङका लागि कम्पास ईभीले ४ सय भोल्ट सपोर्ट गर्नेछ । २० देखि ८० प्रतिशत चार्ज गर्न २७ मिनेटमात्र लाग्ने दाबी स्टेलेन्टिसले गरेको छ ।