चिसो मौसममा परीक्षण हुँदै गर्दा देखियो क्रेटा ईभी

हुन्डाई क्रेटाको ईभी भर्सन भारतमा एकपटक फेरी देखापरेको छ । भारतको विभिन्न भू–भागमा परिक्षण भइरहेको क्रेटा ईभी यसपकट भने चिसो मौसामा परिक्षण हुँदै गर्दा शिमलामा देखापरेको हो । क्रेटा ईभीलाई हुन्डाईले हालै सार्बजनिक फेसलिफ्टमा आधारित भई निर्माण गरिरहेको छ । यो नयाँ ईभी यसै वर्षको अन्त्यतिर लन्च हुने अनुमान गरिएको छ ।

क्रेटा ईभीमा हुन्डाईले ४५ किलोवाट आवरको ब्याट्री प्याक दिने जनाएको छ । हुन्डाईलाई लिथियम–आयोन ब्याट्री प्याक ग्लोबल रुपमा उपलब्ध गराइरहेको सप्लायर एलजीकेमले सो ब्याट्री उपलब्ध गराउनेछ ।

यसमा प्रयोग गरिने इलेक्ट्रिक मोटर भने हाल विश्वव्यापी रुपमा उपलब्ध कोना ईभीकै जस्तो हुनेछ । यसले १३८ एचपी पावर र २५५ एनएम टर्क जेनेरेट गर्छ । बजारमा उपलब्ध भएपछि यसले एमजी जेडएस ईभी र मारुती सुजुकीको निकट भविष्यमा आउने तयारी भईरहेको ईभीएक्ससँग प्रतिस्पर्धा गर्नेछ ।