एट्टो३ भन्दा सानो एसयूभी लन्च गर्दै बीवाईडी, ७० र १३० किलोवाट मोटरमा आउने

चिनको प्रख्यात ईभी निर्माता बीवाइडीले यसै वर्षको मार्च महिनामा नयाँ एसयुभी लन्च गर्ने जनाएको छ । कम्पनीले हाल बिक्री भइरहेको एट्टो३ भन्दा केही सानो साइजको ‘यूवान अप’ लाई लन्च गर्न लागेको हो । सो नयाँ ५ सिटर एसयूभीको डाइमेन्सन ४३१०/१८३०/१६७५ एमएम रहनेछ । साथै ह्विलवेश २६२० एमएम रहने कम्पनीको भनाई छ ।

यूवान सिरिजमा सबैभन्दा सानो रहने सो नयाँ ईभीमा डल्फिनकै पावरट्रेन रहने अनुमान गरिएको छ । जसअनुसार नयाँ एसयूभीमा ७० किलोवाट र १३० किलोवाट क्षमताको मोटर जडान हुनेछ । ब्याट्री र रेन्जका विषयमा भने कम्पनीले कुनै जानकारी वाहिर ल्याएको छैन । यसको टपस्पिड १६० किलोमिटर प्रतिघण्टा रहनेछ ।

नयाँ एसयुभीको अहिले चिनियाँ शहरमा सडक परिक्षण भइरहको छ । चीनमा लन्च भएपछि यूवान अप अन्तराष्र्टि«य बजारमा पनि आउने र सोही क्रममा नेपाली बजारमा पनि भित्रिने अनुमान गर्न सकिन्छ ।