१० दिनसम्म चल्ने आइशर सर्भिस क्याम्पमा के छन् छुट र सुविधा ?

काठमाडौं– आइशर कमर्सियल भेहिकलको नेपालका लागि आधिकारिक विक्रेता बतास एमएडब्लू कमर्सियल भेहिकलले सर्भिस क्याम्प सुरु गरेको छ । देशका विभिन्न स्थानमा माघ ७ देखि शुरु भएको सो सर्भिस क्याम्प आगामी माघ १७ सम्म चल्ने छ । सो सर्भिस क्याम्प देशका १७ वटा विभिन्न ग्राहक सेवा केन्द्रमा संचालन हुने कम्पनीले जनाएको छ ।

काठमाडौं उपत्यकामा जगाती र सतुंगलस्थित सर्भिस सेन्टरमा र बिर्तामोड, इटहरी, जनकपुर, बिरगन्ज, हेटौंडा, दाङ, नेपालगञ्ज, सुर्खेत, धनगडीमध्ये आफूलाई पायक पर्ने स्थानबाट ग्राहकहरूले सेवा लिन सक्ने कम्पनीको भनाई छ । त्यसैगरी डिलर मार्फत् पोखरा, बुटवल, नारायणगढ, नौबिसे,नुवाकोट, त्रिशुलीबाट पनि ग्राहकले सेवा लिन सक्नेछन् ।

१० दिनमा १ हजार ५०० बढी गाडीको चेकजाँच एबं मर्मत सम्भार गर्ने लक्ष्य लिइएको क्याम्पमा ग्राहकले स्पेयर्स पार्ट्समा १२ प्रतिशत, लुब्रिकेंट्समा २० प्रतिश र विशेष मर्मतमा २५ प्रतिशत सम्मको छुट प्राप्त गर्न सक्नेछन् । साथै नियमित मर्मत सम्भार, ड्राइभर ट्रेनिंग, ब्याट्री तथा वायरिंग चेक–अप निशुल्क प्रदान गरिनेछ ।

बदलिँदो मौसमसँगै गाडीमा आइपर्ने विभिन्न समस्याहरूको समाधान गरी ग्राहकलाई उत्कृष्ट सेवाप्रदान गर्ने मुख्य उद्देश्यसहित आइशरले कमर्सिअल भेहिकल सर्भिस क्याम्पको आयोजना गरेको हो ।