क्रसफायरले ल्यायो नयाँ वर्ष अफर, नगद छुट र एक्सचेन्जमा अतिरिक्त मूल्यांकन पाइने

काठमाडौं– क्रसफायर र इटालिका मोटो मोटसाइकलको नेपालका लागि आधिकारिक वितक क्लासिक ह्विल्स एक्सपोर्ट एण्ड इम्पोर्ट प्रालले नयाँ वर्ष अफर ल्याएको छ । ‘नयाँ वर्ष नयाँ धमका’ नामले आएको सो अफर अन्तर्गत यी दुई ब्रान्डका मोटरसाइकल र स्कुटर खरिद गर्दा ग्राहकले नगद छुटको साथै एक्सचेन्जमा अतिरिक्त मूल्यांकन पाउनेछन् ।

सो अफर अन्तर्गत क्रसफायरको एचजे २५० र ट्रेकर २५० तथा इटालिका मोटोको स्टालियन र नेभडा २५० खरिद गर्दा ग्राहकले ३० हजार नगद छुट पाउनेछन् भने फर्मूला १५० स्कुटरमा १५ छुटको व्यवस्था गरिएको कम्पनीले जनाएको छ ।

यसैगरी ग्राहकले आफूसंग भएको पुराना मोटरसाइकलसंग क्रसफायरको एचजे २५० र ट्रेकर २५० तथा इटालिका मोटोको स्टालियन र नेभडा २५० एक्सचेन्ज गर्दा ३० हजार अतिरिक्त मूल्यांकन पाउनेछन् ।

साथै फर्मूला १५० स्कुटरको एक्सचेन्जमा १५ हजार अतिरिक्त मूल्यांकन पाउने ब्यावस्था मिलाइएको छ । क्रसफायर र इटालिका मोटोकै पुरानो मोटरसाइकलसंग अपडेटेड मोडल एक्सचेन्ज गर्दा ४० हजार अतिरिक्त मूल्यांकन दिइने कम्पनीको भनाई छ ।

अफर क्रसफायर र इटालिका मोटोको सबै शोरुममा उपलब्ध हने जनाइएको छ । क्लासिक ह्विल्स ले हाल देशका १० स्थानमा शोरुम संचालन गरेर बाइक बिक्री गर्दै आएको छ । क्रसफायरका मोटरसाइकल अफरोड टुरमा रमाउने यूवा वर्गमा लोकप्रिय मानिन्छ ।