प्रत्येक दिन ५ सय व्यक्तिले खरिद गर्छन् यो कार

मारुती सुजुकी ब्रेजाले भारतमा १० लाख युनिट बिक्रीको माइलस्टोन पार गरेको छ । गत वर्ष फेसलिफ्ट मोडल लन्च गरिएको ब्रेजाले यो भन्दा पहिले टप सेलिङ एसयूभी रहेको टाटा नेक्सनलाई समेत धेरै पटक पछि पारेको छ ।

सन् २०१६ मा पहिलो पटक अटो एक्सपोमा सार्वजनिक गरिएको ब्रेजा बजारमा आएको करिव ८ वर्ष पुगेको छ । यसपछि आकर्षक लुक्स र फिचर तथा माइलेजका कारण यसले धेरैको मन जित्न सकेको छ । यस अनुसार हरेक दिन यो गाडी ५ सय व्यक्तिले खरिद गरेको मान्न सकिन्छ ।

भिटारा ब्रेजा लन्च गरेको १ वर्ष भित्र १ लाख युनिट भन्दा बढि बिक्री भएको थियो । जबकि त्यसको ८ महिना पछि लगभग २ गुणा भिटारा ब्रेजा बिक्री भएको थियो । भिटारा ब्रेजा समय सँगसँगै निकै लोकप्रिय भएको थियो र जुलाई २०१८ सम्ममा ३ लाख युनिट बिक्री भएको थियो ।

सो ५ सिटर कार फेब्रुअरी २०१९ मा ४ लाख युनिट बिक्री भएको थियो । भिटारा ब्रेजा ६ लाख युनिट बिक्रीको आँकडा पार गर्नको लागि २ वर्षको समय लागेको थियो । कम्पनीले २०२० अटो एक्सपोमा फेसलिफ्टेड भिटारा ब्रेजा पेश गरेको थियो । साथै १.५ लिटर चार सिलिन्डर के१५बी माइल्ड हाइब्रिड पेट्रोल इन्जिन सुरु गरिएको थियो ।

हाल सो कारमा पेट्रोल इन्जिन रहेको छ । जसले १०४.७ पीएसको पावर र १३८ एनएमको टर्क जेनेरेट गर्छ । यसमा ५ स्पिड म्यानुअल र ४ स्पिड टर्क कन्वर्टर ट्रान्समिशन रहेको छ ।

भारतमा सो कम्प्याक्ट एसयूभीको मूल्य ८ लाख २९ हजार भारु देखि १४ लाख १४ हजार भारु रहेको छ । भिटारा ब्रेजा एलएक्सआई, भीएक्सआई, जेडएक्सआई र जेडएक्सआई प्लस भेरिएन्टमा उपलब्ध रहेको छ । सो कारमा इन्टिग्रेटेड एलईडी डे–टाइम रनिङ लाइट्स, अपग्रेड एलईडी फग ल्याप्स, नयाँ डिजाइनको १६ इन्चको अलोय ह्वील र नयाँ फ्रन्ट ग्रिल फिचर रहेको छ ।

सो कारमा ३ ड्युअल टोन कलरको विकल्प रहेको छ । जसमा मिडनाइट ब्ल्याक रुफको साथमा सिजलिंग रेड, मिडनाइट ब्ल्याक रुफको साथमा टर्क ब्लु र अटम ओरेज रुफको समाथ ग्रेनाइट ग्रे समावेश रहेको छ । यसको इन्टेरियरमा एपल कारप्ले र एन्ड्रोयड अटो कनेक्टिभिटीको साथमा ७ इन्चको स्मार्टप्ले टचस्क्रिन इन्फोटेनमेन्ट सिस्टम, लेदर स्टेयरिङ ह्वील र अटोमेटिक क्लाइमेट कन्ट्रोल रहेको छ ।

नेपाली बजारमा पनि सुजुकी ब्रेजा उपलब्ध छ । नेपालमा सीजी मोटोकर्पले सुजुकी ब्रेजा गाडी बिक्री–वितरण गरिरहेको छ । नेपाली बजारमा यसको मूल्य ४४ लाख ९९ हजार देखि ६४ लाख २९ हजार रुपैयाँ सम्म छ । नेपाली बजारमा धेरै बिक्री हुने कारमध्ये ब्रेजा पनि एक हो ।