नयाँ इलेक्ट्रिक स्कुटर ब्रान्ड अक्सविन नेपाल भित्रिदै, मूल्य ३ लाख ९० हजार

काठमाडौं – नेपाली बजारमा नयाँ चिनियाँ ब्रान्ड ‘अक्सविन’ को इलेक्ट्रिक स्कुटर भित्रिने भएको छ । नेपालका लागि आधिकारिक वितरकको रुपमा रिवेल भेइकल प्रालिले सो स्कुटर नेपाली बजारमा उपलब्ध गराउने भएको हो ।

अक्सविनको ईएस१ मोडल नेपाली बजारमा उपलब्ध हुनेछ । यसमा ६ हजार वाट क्षमताको मोटर हुनेछ भने ७२ भोल्ट २४ एएचको डबल ब्याट्री उपलब्ध हुनेछ । यसको मूल्य ३ लाख ९० हजार रुपैयाँ तोकिएको छ ।

कम्पनीका अनुसार यो स्कुटर सिंगल ब्याट्री र डबल ब्याट्री प्याकमा उपलब्ध छ। जसले एक पटकको फुल चार्जमा ५५ किलोमिटर र ११० किलोमिटर दुरी पार गर्न सक्छ।

यसको टप स्पिड ५० किलोमिटर प्रति घन्टा रहेको छ। यसमा हब मोटर उपलब्ध छ। यसमा भएको ब्याट्री चार्ज गर्न ३ घन्टाको समय लाग्छ।