बिना धितो ८० प्रतिशत फाइनान्समा दोस्त सिरिजका पिकअप

काठमाडौं – अशोक लेल्यान्ड गाडीको नेपालका लागि आधिकारिक वितरक आईएमई मोटर्सले बिना धितो ८० प्रतिशत सम्मको फाइनान्समा दोस्त सिरिजको पिकअप उपलब्ध गराउने बताएको छ ।

यस अन्तर्गत बिना धितो कुनै पनि दोस्त सिरिजको गाडी ८० प्रतिशत सम्मको फाइनान्स सुविधामा खरिद गर्न सकिने छ । सुलभ ब्याजदरमा प्राप्त हुने सो सुविधामा ग्राहकले विभिन्न सुविधा समेत प्राप्त गर्न सक्ने छन् ।

हाल ड्राइभिङ पेशामा संलग्न रहेका, तर आफ्नो कार्यबाट सन्तुष्ट नभएका र आफ्नै व्यवसाय संचालन गर्न चाहने व्यक्तिहरुलाई लक्ष्यित गरेर यो योजना ल्याइएको हो । कम्पनीले पहिले देखि नै उपलब्ध गराइरहेको ‘गुरुजीबाट साहुजी’ योजनालाई अझै परिस्कृत गरेर निरन्तरता दिइरहेको बताएको छ ।

त्यसैगरी विदेशबाट फर्केका र आफैले केही व्यवसाय गर्न चाहनेहरुका लागि पनि यो योजना लाभदायक हुनेछ । कुनै कारणबस जागिर छुटेको र आफै केही गर्न चाहने तथा हाल भइरहेको आफ्नो व्यवसायलाई विस्तार गर्न चाहनेहरुका लागि समेत यो योजना लाभदायक हुनेछ ।

दोस्त एलसीभी नेपाली बजारमा उपलब्ध सबैभन्दा राम्रो र धेरै माइलेज दिने एलसीभी भएको कम्पनीको दाबी छ । देशभर रहेका आधिकारिक वर्कशप आउटलेटमार्फत बलियो ग्राहक सेवा प्रदान गर्दै आइरहेको अशोक लेल्यान्ड गाडीका पार्ट्स पनि सहजताका साथ पाउन सकिन्छ ।

अशोक लेल्यान्डका गाडीहरुमा हाल ५ वर्षको वारेन्टी उपलब्ध रहेको छ । यो सम्भवतः अटोमोबाइल क्षेत्रकै सबैभन्दा धेरै वर्षको वारेन्टी भएको कम्पनीको दाबी छ । ग्राहकको सन्तुष्टि र ब्रान्डप्रतिको विश्वास बढाउनको ५ वर्षको वारेन्टी घोषणा गरेको कम्पनीले जनाएको छ ।