थाइल्यान्डबाट सार्वजनिक भयो होन्डाको पहिलो फुल्ली इलेक्ट्रिक कारको प्रोडक्सन युनिट

होन्डाले पहिलो फुल्ली इलेक्ट्रिक कारको प्रोडक्सन युनिटलाई औपचारिक रुपमा सार्वजनिक गरेको छ । होन्डाले सो इलेक्ट्रिक कार ई:एन१ लाई थाइल्यान्डको रोजना इन्डष्ट्रियल पार्कमार्फत रोल आउट गरेको हो ।

होन्डाले यसको अन्य फिचरको वारेमा भने औपचारिक रुपमा केही बताएको छैन । यद्यपि लन्च मिति भने छिट्टै सार्वजनिक हुने अनुमान गरिएको छ ।

होन्डाको पहिले देखि बजारमा उपलब्ध एचआर–भी मोडलको इलेक्ट्रिक क्लोन जस्तै ई:एन१ हुने अनुमान गरिएको छ । यसको इन्टेरियर उस्तै हुनेछ भने हुडको तलतिर भने केही फरक हुनेछ ।

ईःएन१ प्रोटोटाइपमा ६८.८ किलोवाट आवरको ब्याट्री उपलब्ध छ, जसले २०१ एचपी पावर र ३१० एनएम टर्क जेनेरेट गर्छ । यसले सिंगल चार्जमा ४०० किलोमिटर भन्दा बढी रेन्ज दिने अनुमान गरिएको छ ।

होन्डा थाइल्यान्डका इलेक्ट्रिक सवारी साधन उत्पादन गर्ने पहिलो जापानी कम्पनी समेत बनेको छ । आगामी दिनमा अन्य देशमा समेत निर्यात गर्ने होन्डाको योजना छ । नेपाली बजारमा पनि भविष्यमा होन्डाको यो कार उपलब्ध हुने अनुमान गर्न सकिन्छ ।