३०० सिसी इन्जिनमा आयो बेनेलीको नयाँ एड्भेन्चर मोटरसाइकल

चिनियाँ टु–ह्विलर उत्पादक बेनेलीले ३०० सिसी सेग्मेन्टमा नयाँ एड्भेन्चर मोटरसाइकल सार्वजनिक गरेको छ । आधुनिक डिजाइनमा तयार पारिएको सो नयाँ मोटरसाइकललाई कम्पनीले बिकेएक्स ३०० नाम दिएको छ । चीनमा अर्को वर्ष लन्च हुने बताइएको सो मोटरसाइकल यूरोपेली बजारलाई लक्षित गरी ल्याउन लागिएको हो ।

बिकेएक्स ३०० मा बेनेलीलले २९२.४ सिसी क्षमताको लिक्विड कुल्ड फोर स्ट्रोक इन्जिन जडान गरेको छ । जसको पावर २९.२ पिएस र टर्क २४.५ एनएम रहनेछ । सो नयाँ बाइकको अगाडी ४१ एमएमको यूएसडी फोर्क र पछाडी १८० एमएमको स्विंगआर्म मोनोशक सस्पेन्सन दिइएको छ ।

बाइकमा डुअल च्यानल एविएस र २२० एमएमको ग्राउन्ड क्लिरियन्स पाउन सकिन्छ । साथै यसको तौल १६५ किलोग्राम रहेको छ । एग्रेसिभ फ्रन्ट फेसिया, डिआरएलएस सहितको सार्प हेडल्याम्प, ¥याली स्टाइलको सिट र अन्डर सिट एक्जस्ट लगायत फिचरले बाइकलाई फ्युचरस्टिक देखाउन मद्धत गरेको छ ।

डुअल टोन कलर थिममा तयार पारिएको सो नयाँ मोटरसाइकलमा कनेक्टिभिटी फिचर सहितको ठूलो एलसिडी इन्स्ट्रयुमेन्ट डिस्प्ले दिइएको छ । भारतीय बजारमा समेत आउने अनुमान गरिएको यसले निकट भविष्यमा रोयल इन्फिल्ड हिमालयन, यज्दी र विएमडब्लु लगायत ब्राण्डका एड्भेन्चर बाइकसंग प्रतिस्पर्धा गर्ने देखिन्छ ।