बीवाइडीले हाँसिल ग-यो ६० लाख न्यू इनर्जी भेहिकल उत्पादनको माइलस्टोन

काठमाडौं– चिनको प्रख्यात न्यू इनर्जी भेहिकल उत्पादक बीवाइडीले ६० लाख ईभी उत्पादन गरेको छ । कम्पनीले तीमध्ये १० लाख गाडी पछिल्लो तीन महिनामै उत्पादन गरेकोमा अक्टोवरमा मात्र ३ लाख यस्ता भेहिकल बिक्री गरेको थियो ।

बीवाइडीलेले ६० लाख भेहिकल उत्पादनलाई माइलस्टोन भनेको छ । यो संख्याको रेकर्डले विद्युतीय सवारीसाधन विकासमा आफंनो प्रतिबद्धता स्पष्ट भएको कम्पनीले जनाएको छ । उसले उत्पादन गरेकामध्ये २ लाख गाडी चीन बाहिरको बजारमा पुगेका छन् ।

आफ्ना गाडी ७० देशका ४०० भन्दा बढी सहरमा बिक्री हुँदै आएको कम्पनीले जनाएको छ । कम्पनीले हाल बीवाईडी अन्तर्गत फाङचेङवाओ, डेन्जा र याङवाङ जस्ता सब ब्रान्डमा समेत न्यू इनर्जी भेहिकल उत्पादन गरिरहेको छ ।

बीवाइडीले ब्लेड ब्याट्री, डीएम–आइ सुपर हाइब्रिड सिस्टम, इ–प्लेटफर्म ३.०, सेल टु बडी टेक्नोलजी, ई४ प्लेटफर्म, बीवाइडी डिसस इन्टेलिजेन्ट बडी कन्ट्रोल सिस्टम, र डुअल मोड अफ–रोड (डीएमओ) सुपर हाइब्रिड सिस्टम जस्ता नवीन र पर्यावरणमैत्री प्रविधिको विकासमा अग्रणी स्थान हासिल गरेको छ ।