भेष्पा र अप्रिलियाको बिक्री बढाउन डेल्टा अटोकर्पले माग्यो १३ स्थानमा नयाँ डिलर

काठमाडौं– भेष्पा र अप्रिलियाको नेपालका लागी आधिकारिक वितरक डेल्टा अटोकर्प डिलर नेटवर्कमा आक्रमक देखिएको छ । यसअघि दुगड समुहले बिक्री गर्दै आएको यी दुई ब्रान्डको डिलरसिप आफू मातहत ल्याएपछि कम्पनीले एकैपटक देशका १२ स्थानमा डिलर नेटवर्क विस्तार गर्न लागेको हो ।

कम्पनीले मन्थली, धनगढी, तुल्सीपुर, टाँडी, कावासोती, हेटौडा, विरगंज, पर्साबजार, जनकपुर, लाहान, विराटनगर, दमक र विर्तामोडमा नेटवर्क विस्तर गर्न भन्दै डिलर आह्वान गरेको छ ।

प्रिमियम ब्रान्डका रुपमा परिचित भेष्पा र अप्रिलियाका स्कुटर बिक्री गर्न कम्पनीले हाल देशका विभिन्न स्थानमा शोरुम सञ्चालन गर्दै आएको छ ।