डीप ब्ल्याक कलरमा आयो स्कोडा कुशाक र स्लाभिया

स्कोडाले आफ्नो लोकप्रिय एसयुभी कुशाक र सेडान कार स्लाभियालाई नयाँ एडिसनमा उतारेको छ । एलिगेन्स नामले आएको सो नयाँ एडिसनलाई कम्पनीले डिप ब्ल्याक कलरमा तयार पारेको हो । नयाँ एडिसन रेगुलर कुशाक र स्लाभियाको टप स्पेक ट्रिम भन्दा माथी रहने कम्पनीले जनाएको छ ।

सो नयाँ एडिसनमा स्कोडाले क्रोम ग्रिल, डुअल टोन एलोई ह्विल र बी पिल्लरमा एलिगेन्स ब्याज दिएको छ । साथै यी कारको इन्टेरियरमा पडल ल्याम्प, रियर र सिट बेल्ट कुशन, नेक रेस्ट, स्टेरिङ ह्विलमा एलिगेन्स ब्याज, टक्स्टाइल म्याट र एल्मुनियम प्याडल लगायत नयाँ फिचर पाउन सकिन्छ ।

नयाँ एडिसनका दुवै कारमा १.५ लिटर टर्बो पेट्रल इन्जिन जडान गरिएको छ । जसको पावर १४८ बीएचपी र टर्क २५० एनएम छ । कारमा ६ स्पिड म्यानुअल र ७ स्पिड डुअल–क्लच अटोमेटिक ट्रान्समिसनको विकल्प पाउन सकिन्छ । कुशाक एलिगेन्सको मूल्य १८ लाख ३१ हजार तथा १९ लाख ५१ हजार र स्लाभियाको १७ लाख ५२ हजार तथा १८ लाख ९२ हजार भारु निर्धारण गरिएको छ ।

स्कोडाको यी दुवै कार नेपाली बजारमा समेत उपलब्ध रहेका कारण नयाँ एडिसन समेत निकट भविष्यमा उपलब्ध हुनसक्ने आँकलन गर्न सकिन्छ ।