छिटो चार्ज हुने ईभीमा हुन्डाई र कियाको अग्रता, टेस्ला १० औं स्थानमा

हुन्डाई र कियाका ईभीले सबैभन्दा छिटो चार्ज हुने ईभीको सूचीमा अग्रता लिएका छन् । एक अध्यानका अनुसार हुन्डाईको आयोनिक–६ आरडब्लुडी(रियर ह्विल ड्राइभ) सूचीको पहिलो स्थानमा पर्दा किया ईभी–६ आरडब्लुडी दोस्रो स्थानमा पर्न सफल भएको हो ।

४३ वटा कारमा गरिएको रिचार्ज रेट परिक्षणमा आयोनिक–६ ले ८६८ माइल प्रतिघन्टाको चार्जिङ रेट हाँसिल गरेको थियो । यसैगरी ईभी–६ ले ७६९ माइल प्रतिघन्टाको चार्जिङ रेट हाँसिल गरेको थियो । सबैभन्दा तिब्र गतिमा रिचार्ज हुने ईभीको सूचीमा आयोनिक–६ कै एडब्लुडी(अल ह्विल ड्राइभ) पर्दा चौथो स्थानमा पोर्स टेकन पर्न सफल भएको छ ।

यसैगरी पाँचौ स्थानमा किया ईभी–६ जिटी लाइन, छौठौमा आयोनिक–५ डुअल मोटर, सा तौमा मर्सिडिज वेन्ज इक्यूएस ४५० प्लस, आँठौमा जेनेसिस जी–८०, नवौमा पोर्स टेकन जीटीएस र १० औं स्थानमा टेस्ला मोडल–३ लङ रेन्ज परेका छन् । सो परिक्षणमा टेस्ला मोडल–३ लङ रेन्जले ५६९ माइल प्रतिघन्टाको चार्जिङ रेट पाएको थियो ।