इक्मा शोमा रोयल इन्फिल्डले इलेक्ट्रिक मोटरसाइकलको कन्सेप्ट देखाउने

रोयल इन्फिल्डले इटालीको मिलानमा आयोजना हुने ईआइसिएमए(इक्मा) टु–ह्विलर शोमा ‘हाई पर्फमेन्स ईभी’ को कन्सेप्ट देखाउने भएको छ । सो ईभीको कन्सेप्ट एड्भेन्चर मोडलमा आधारित हुने जानकारी वाहिर आएको छ ।

इलेक्ट्रिक टु–ह्विलरको विकासमा निकै आक्रमक देखिएको कम्पनीले केही समयअघि मात्र स्पेनिश कम्पनी स्टार्कलाई खरिद गरेको थियो । सो नयाँ कन्सेप्ट भार्गको प्लेटफर्ममा आधारित हुने अनुमान गरिएको छ ।

भार्ग स्टार्कले निर्माण गरेको इलेक्ट्रिक डर्ट बाइक हो । जसको पावर ८० एचपी र तौल ११८ किलोग्राम रहेको छ । इलेक्ट्रिक टु–ह्विलरको विकासका लागि कम्पनीले १५ सय करोड भारु लगानी गर्ने यसअघि बताएको थियो ।