बीवाइडी एट्टो३ को क्रेज भारतमा पनि बढ्दो, एकैदिन २०० जनालाई गाडी हस्तान्तरण

भारतमा बुधवार एकैदिन २०० जना ग्राहकलाई एट्टो३ हस्तान्तरण गरिएको छ । बीवाइडीको सर्बाधिक लोकप्रिय मोडलका रुपमा परिचित यो क्रसओभरको माग विश्व बजारमै बृद्धि भइरहेका कारण भारतीय बजारमा पनि यसको क्रेज दिनप्रति दिन वढ्दो क्रममा रहेको जनाइएको छ ।

नेपाली बिजारमा पनि यसले पछिल्लो समय सर्बाधिक बिक्री हुने इलेक्ट्रिक एसयूभीका रुपमा आफूलाई स्थापित गराएको छ । नेपाली बजारमा यो ईभी तीन भिन्न भेरिएन्टमा उपलब्ध छ । जसको मूल्य ५६ देखी ८२ लाखसम्म पर्छ ।

बीवाईडीले भारतमा ६०.४८ किलोवाट आवर ब्याट्री प्याक र १५० किलोवाट मोटर जडित एट्टो३ बिक्री गर्दै आएको छ । जसको मूल्य ३४ लाख भारु तोकिएको छ । एट्टो३ वाहेक भारतमा यसको ई६ एमपीभी र क्यू१आर इलेक्ट्रिक हेभी ड्यूटी ट्रक उपलब्ध छ । भारतमा यो ब्रान्डले विगत १६ वर्षदेखी आफ्नो उपस्थिती जनाउँदै आएको छ ।

सींगल चार्जमा यो एसयूभीले ५१० किलोमिटर रेन्ज दिने दावी गरिएको छ । यसको पावर २०१ वीएचपी र टर्क ३१० एनएम रहेको छ । साथै यसलाई ७.३ सेकेन्ड भित्रै प्रतिघन्टा सून्यदेखी १०० किलोमिटर सम्मको गतीमा हाँक्न सकिन्छ ।