स्पेयर पार्ट्स कारोबारमा डिएस मोटर : एक दशक लामो यात्रा

काठमाडौं– सवारीसाधनको खपत बढेसंगै नेपाली बजारमा पछिल्लो समय विभिन्न ब्रान्डका स्पेयर पार्ट्स आयत हुने क्रम वढिरहेको छ । सोही क्रममा डीएस मोटरले भारतको प्रख्यात स्पेयर पार्ट्स उत्पादक कम्पनी स्विस अटो प्रा.लि. को उत्पादन नेपाल ल्याएर बिक्री गर्दै आएको छ । कम्पनीले हाल टु–ह्विलर र थ्री ह्विलरमा प्रयोग हुने अटो इलेक्ट्रिक एवं इलेक्ट्रोनिक्स अन्तर्गत वायरिङ हार्नेस र ब्लिंकर जस्ता उत्पादन आयत गरी कारोवार गर्दै आएको हो ।

कम्पनीका संचालक शम्भु साहका अनुसार नेपाली बजारमा स्तरिय पार्ट्सको माग उच्च रहेको छ । ‘सुलभ मूल्यमा स्तरिय पार्ट्स खरिद गर्न चाहने ग्राहकको भावनलाई वुझेर हामीले भारतको प्रख्यात ब्रान्ड स्विस अटो प्रालीको उत्पादन नेपाल ल्याउने निर्णय गरेका हौं । यो ब्रान्ड नेपाल आएपछि ग्राहकले कम मूल्यमै स्तरिय पार्ट्स खरिद गर्न पाएका छन्’ उनले भने ।

स्विस अटोले भारतमा विगत ४ दशकदेखी विभिन्न रेन्जका स्पेयर पार्ट्स उत्पादन गर्दै आएको छ । यो कम्पनीले उत्पादन गरेको स्पेयर पार्ट्सलाई भारतका प्राय सवैजसो टु ह्विलर उत्पादकले आफ्नो वाइकमा प्रयोग गर्न सिफारिस समेत गर्ने गरेका छन् । साहका अनुसार नेपाली बजारमा उपलब्ध प्राय सवैजसो ब्रान्डका टु ह्विलर र थ्री ह्विलरमा स्विस अटोको उत्पादन प्रयोग भइरहेको छ ।

भारतमा अहिले स्विस अटो सहित ड्यूच, लियोनार्डो र एलेक्जेन्डर ब्रान्ड सामेल भई ईएस ग्रुप खडा भएको छ । यो ग्रुपमा सामेल यी चारवटै ब्रान्डले उच्चस्तरिय स्पेयर पार्ट्स उत्पादन गर्दै आएको साहले वताए ।

‘हामीले विगत एक दशकदेखी स्विस ब्रान्डको स्पेयर पार्ट्स आयती कारोवार गर्दै आएका छौ । हाम्रो उत्पादन नेपालको प्राय सवैजसो स्थानमा उपलब्ध छ । सुलभ मूल्यमा गुणस्तरिय ब्रान्डको पहिचान बनाएका कारण स्विसलाई नेपाली ग्राहकले रुचाएका छन् । भोलिका दिनमा थप नयाँ ब्रान्ड भित्र्याएर कारोवारलाई फराकिलो बनाउने लक्ष्य लिएका छौ’ उनले भने ।