ईभी इन्टरनेसनल एक्स्पोमा महिन्द्राको नयाँ विद्युतीय सवारी साधन सार्वजनिक

काठमाडौं – महिन्द्राको पछिल्लो उत्पादन महिन्द्रा ‘ट्रियो झोर डीभी’ नेपाली बजारमा सार्वजनिक भएको छ ।

नेपालका लागि महिन्द्रा एण्ड महिन्द्रा लिमिटेडको प्यासेन्जर भेइकलको आधिकारिक वितरक अग्नि ग्रुपको सहायक कम्पनी अग्नि इनर्जीले उक्त गाडी नेपालमा भित्र्याएको हो ।

‘ट्रियो झोर डीभी’ एक क्रान्तिकारी नयाँ इलेक्ट्रिक थ्री–व्हीलर डेलिभरी भ्यान भएको कम्पनीले जनाएको छ ।

ऊर्जा, जलस्रोत तथा सिंचाइमन्त्री शक्तिबहादुर बस्नेतले शुक्रबार ‘नेपाल ईभी इन्टरनेसनल शो’ को शुभारम्भ गर्दै सोही समयमा उक्त नयाँ गाडी सार्वजनिक गरेका हुन् ।

महिन्द्रा ‘ट्रियो झोर डीभी’ले उत्कृष्ट ग्राहक मूल्य प्रस्ताव प्रदान गर्न अत्याधुनिक प्रविधिमा विकसित गरिएको कम्पनीले जनाएको छ ।

कम्पनीले प्रत्येक ग्राहकको आवश्यकता पूरा गर्ने प्रतिबद्धता सहित नेपाली बजारमा उक्त थ्री–ह्विलर डेलिभरी भ्यान ल्याएको जनाएको छ ।

वृद्धिशील बचत, उद्योगमा उत्कृष्ट कार्यसम्पादन र उन्नत लिथियम–आयन प्रविधि जस्ता हाइलाइटहरूका साथ, ट्रियो झोर डेलिभरी भ्यान गेम चेन्जर हुने कम्पनीको दाबी छ ।