महिन्द्रा मनसुन क्याम्प २०२३ आयोजना हुँदै, स्पेयर पार्ट्समा ६० प्रतिशतसम्म छुट

महिन्द्रा गाडीको नेपालका लागि आधिकारिक विक्रेता अग्नी इन्कर्पोरेटेड प्रालि अन्तर्गतको सर्भिस र स्पेयर पार्टस् हेर्ने सहायक कम्पनी वालाजु अटो वर्क्श प्रालिले ‘मनसुन क्याम्प २०२३’ आयोजना गर्ने भएको छ । साउन १७ देखी १९ गतेसम्म देशव्यापी रुपमा क्याम्प आयोजना हुने कम्पनीले जनाएको छ ।

सो क्याम्पमा महिन्द्रा प्यासेन्जर कार र पिकअपको ३० प्वाइन्ट चेकअप गरिनुको साथै पार्ट्स र एसेसोरिजमा ६० प्रतिशतसम्म छुट उपलब्ध गराइने कम्पनीको भनाई छ । क्याम्पमा आउने ग्राहकलाई आकर्षक गिफ्ट ह्याम्परको समेत व्यवस्था मिलाइएको छ ।

महिन्द्राको देशभर रहेका आधिकारिक सर्भिस सेन्टरमा गएर ग्राहकले मनसुन क्याम्पको फाइदा लिन सक्नेछन् । साथै, ग्राहकले अग्रिम सर्भिस वुक समेत गर्न सक्नेछन् ।